سارق يدخل للاسلام أثناء السرقة

   سارق يدخل للاسلام أثناء السرقة
  

 

 تم استضافة البائع الهندي على ماأعتقد في قناة فوكس الامريكيهملخص القصة

 

ان سارق دخل إلى بقالة صغيرة في إحدى المدن الأمريكية

 

وكان يحمل فيه يده عصا بيسبول وهدد صاحب المحل وطلب منه المال

 

صاحب المتجر مسلم اسمه محمد سهيل حاول تهدئة السارق

 

ثم اخرج بندقية وأرعب السارق

 

وطلب منه رمي العصا

 

والنزول للارض

 

بدأ السارق بالترجي وأنه مسكين ولايملك مال ولا وظيفة ولا يملك لعياله لقمة عيشهم

 

فحزن صاحب البقالة لحال السارق

 

ثم قال له أوعدني أن لا تسرق مرة أخرى ولا تسطو على أحد

 

فوعده السارق وعد رجال

 

فذهب صاحب البقالة

 

وأحضر له 40 دولار ليسد رمقه

 

فتعجب السارق من هذا الخلق

 

فقال أريد أن أصبح مسلما مثلك

 

فقال محمد سهيل أأنت متأكد

 

فقال نعم

 

قال إذا ارفع يدك وقل معي

 

لا إله إلا الله محمد رسول الله

 

فقال السارق مثلما قال سهيل

 

فسلم عليه سهيل

 

وقال له خذ خبز وسأذهب أحضر لك حليب

 

ثم غادر السارق المسلم الجديد

 

وكل هذه الحادثة مصورة

مقاطع الفيديو

 

 

 

http://www.youtube.com/watch?v=QTUc66xBYL4&feature=related

 

http://www.youtube.com/watch?v=0SpahifBZLU&feature=fvw

موقع بحث للأطفال جميل

---

الأنترنت يظل بحر من المعرفه والفائدة لكل  فئات المجتمع  ولكن يعاب عليه الجانب السيء من  كفريات واباحيات وغيره من الاشياء التي يرفضها العقل والدين .

لذلك أصبح دخول الانترنت لصغار السن أمر مقلق لأهاليهم خصوصا عند إستخدام محركات البحث التي لاترحم في إظهار اي نتيجة لأي كلمة يكتبها الطفل, ولكن مع موقع  kidrex  تم حل هذه المشكلة .

فموقع او محرك البحث kidrex  هو عباره عن محرك البحث قوقل ولكن معدل بطريقه يجعله يظهر نتائج محدده لصغار السن , فمع أستخدام تقنية  قوقل SafeSearch  تتم فلترة النتائج بحيث لاتظهر أي شيء فيه إباحية او أشياء لا تهم الطفل  وعند البحث عن اي كلمة سيئة يقوم محرك البحث بتوجيه الطفل الى الصفحة الرئيسية لمحرك البحث.

ومن الامور الجميله في محرك البحث انه تم تخصص صفحة يمكن من خلالها طلب حجب موقع اذا لم يتعرف عليها محرك البحث وبهذه الخطوة يكون محرك البحث يعمل بكفائة وبالشكل الصحيح للأطفال, أنصح الاهالي بأستخدام  محرك البحث وتعليم أبنائهم الصغار على إستخدامه

الموقع

http://www.kidrex.org/

قصة أمل ومطلق تعور القلب

أقروا القصه على لسان صاحبتها ..

أنا "أمل"أبيكم تسمعون قصتي ومعاناتي من البدايه للنهايه بشرط تقرونها كلها عشان تعيشون قصتي__وأبي البنات يستفيدون من قصتي كثير..قاعده أكتب لكم قصتي ومعي ولدي ياسر عمره سنتين وقاعده اطالع عيونه وابكي لانه يذكرني بعيون أبوه إللي ماراح انساه طول عمري..
عيشو القصه أول باول_
أنا"أمل"عمري 24سنه عندي أخو واحد وأختين وحده أكبرمني متزوجه"هدى"وثانيه بالمتوسطه أصغر مني
بداية حياتي كان عندي مشكله لاوالله كان بالنسبه لي كابوس خطير يطاردني اسمه"مطلق"
هذا المخلوق الذي ناشب لي في حياتي
مشكلتي ماظن لها حل مشكلتي مع ولد عمي"مطلق"
حاجزيني له من يوم حنا صغار أبوي الله يسامحه عطى عمي كلمه من يوم عمري خمس سنوات وقال:أمل ل"مطلق"__ اللهم لا أسألك رد القضاء ولكن اسألك الطف فيه
وطبعن"الحجز" وعاده عند بعض القبايل أن البنت يحجزونها لولد عمها لين تكبر وتتزوجه وطبعن أنا الضحيه
حيروني لها الغول"مطلق" لاياربي كل شي إلا"مطلق"
ياليتكم بس تعرفونه والله حفله..وجهه كنه افلام كرتون..سبحان من كون هالأنسان على بعضه والله من يشوفه الواحد يموت ضحك مدري كن مكتوب على وجهه نكته!أول ماتشوفه تطري عليك البوكيمونات!!كله على بعضه مسرحيه كومديه تبي تدور فيه شي حلوفيه ماتلقى مستحيل قلبتها يمين ويسار بس مافيه فايده مسكره بوجهي بكل الطرق ..يمكن القلم إللي يحطه بجيبه الأمامي حلو..صحيح يقولون(الرجال مخابر مو مناظر)بس أنا أقول(الرجال مخابر مو من اصحاب المقابر)اللهم لاشماته!
غير شكله الأسطوري .. عندك اسلوبه وطريقة كلامه مايدري وين ربي حاطه..مايفهم حيل "مفهي" مايدري وش السالفه!! مكتوب علامة تعجب فوق راسه لونها أحمر وتأشر!!
غير كذا فاشل بدراسته وسقيط ياخذ السنه بسنتين وانسان مايعرف يتكشخ الكشخه يمين وهو شمال!
المهم طولت سب بهالمسلم .المهم مايناسبني حييل أناوياه تجاه متعاكس
ماكنت أتخيل نهاية دنيتي على وجه"مطلق"ماكنت أتوقع اليوم إللي يجي فيه أهلي ويقلون لي خلاص زواجك بكرى "بمطلق"
ماكنت أتوقع أنا وياه راح نكون في بيت واحد!لا وغرفه وحده لا وسرير واحد..والخافي أعظم!!!!!
لاياربي خذ روحي ولاروحه لامستحيل..أنا أجمل البنات أتزوج"مطلق"أشين الخلق
أنا في كامل اناقتي وفي ثوبي ألأبيض وفي أسعد لحضات حياتي وجالسه في كوشتي..والتفت جنبي مين!!!!"مطلق"
لا ويبتسم بعد أبتسامه عريضه مع اسنانه اللي كنهم صفة شطرنج! ويقرب مني ويمسك يدي! وأصرخ ..لا ..لا ..لا
~~وفجاءه تصحيني أمي من النوم:أمل بسم الله عليك وش فيك? صحيت من النوم وأنا أبكي وتلفت يمين ويسار..وأحمد ربي أنه حلم
الحمد لله أنه مو يوم زواجي قمت من الفراش وجلست أبوس في الأرض وأبوس فراشي
أمي:بسم الله عليك بنتي وش فيك??
طرت طيران على أمي وضميتها وقلت:تكفين يمه تكفين مافيه مجال تغيرون رايكم مستحيل آخذ "مطلق"تكفين أقنعي أبوي!
أمي:أسكتي لايسمعك أبوك..والله لايذبحك..وش فيه"مطلق"على ألأقل محد ضحك عليه!!
أمل:محد ضحك عليه?!ألا أنا كل ماشفته مت من الضحك
أمي:يابنيتي ..بكرى زواجك على ولد عمك..لاتضايقين روحك أستانسي وساعدي نفسك
أمل:بكرى ! ! ! مستحيل! يمه مو كنكم أجلتوه الأسبوع الجاي
??
أمي:خبله أنتي??أنتي تدرين أن يوم زواجك بكرى!
أمل: آه آه آه يمه أتمنى آخذ قدري من الحياة أطول وقت ممكن قبل أقابل خشة"مطلق" من كثر ماآكل حبوب منومه عشان مافكر بديت أنسى!!
جلست أمي تقرى قران علي والدموع على خدها لأن مابيدها حيله الكلمه كلمة أبوي وابوي مستحيل يتراجع..جلست لحالي أنا والهموم
بكرى زواجي!!معقوله!! أحس الموت قرب مني..بكرى زواجي وأنا أتعس أنسانه بدنيا شلون أهرب من الواقع المرير!وش أسوي معقوله أسلم نفسي له وأنا بكامل عقلي!!
(نجوم السماء أقرب له..هين يا مطلق أنا أوريك)
قمت من فراشي وفتحت درج صغير جنب سريري وطلعت البوم صور لي لماكنت صغيره.وفيه صوره لي أنا و"مطلق"يوم كنا صغار مع بعض!!!(بس لو أعرف منهو اللي مصورنا مع بعض الله لايعافيه)
ورجعت بذكرياتي لورى لما كان عمري خمس سنوات..
أيام الخطوبه(ههههههه على خمس سنين)
وكنت دايم أتهاوش معاه(سبحان الله من يومي صغيره ماادانيه)! ! !
بس هو كان يحبني ومايضربني وكان دايم يشتريلي حلويات!(يبي يكسب رضاي)
كانو بيت عمي قدامنا وبجنبهم بيت"أحمد"
"أحمد"حبي ألأول
"أحمد"الطفل المدلل بالحاره
كان عمره6سنوات..دايم يتهاوش معه"مطلق"وصراعات مستمره بينهم طبعن بسببي!!
أنا بس العب مع"أحمد"ونتهاوش مع"مطلق"
مطلق كان يغار من"أحمد"ومره شافني طولت لعب معه..سحبني بشعري بقوه وقال لي:أدخلي ولاأعلم أبوك
أمل:أنقلع مالك دخل
مطلق:أنا زوجك لازم تسمعين كلامي.
تفشلت قدام"أحمد"..ورحت للبيت مسرعه لأمي وقلت لها عن كلام"مطلق"
ضحكت أمي وقالت:أيه يابنتي أنتي زوجته ومن تكبرون بنزوجكم.
استغربت أنا وقلت:يمه بس أنا ماادانيه شكله يضحك
أمي:ماعليك بكرى يكبر ويزين وتساوى خشته..! ! !
~من وقتها وأنا كل يوم تطلع فيه الشمس أركض لبيت عمي وأشوف"مطلق" هي تساوت خشته ولا لا?! !!
بس مافيه فايده كبر وكبرت خشته معاه
نسيت الموضوع ولا أحد جاب لي طاري
-------
كبرت ودخلت المتوسطه وكنا سن المراهقه..(االمراهقه)
وأتذكر يوم من ألأيام..كنا أنا وبنات الفصل متجمعات وكان موضوعنا عن مواصفات زوج المستقبل!! كل وحده قالت إللي عندها ويوم جاء دوري قلت أبيه زي"توم كروز"
هناء ضحكو البنات وكان معنا بنات عمي بنفس الصف وقالو:لايكون قصدك"مطلق"توم !! وجلسو يضحكون..
أستغربت أنا وش دخل"مطلق"
قالت وحده منهم:ليش ماتدرين أن ولد عمنا "مطلق"حاجزك له ومن تكبرون يزوجونكم...
~معقوله يكون صدق!!معقوله أصير مثل مصير أختي"هدى"إللي زوجوها أهلي لولد عمي بالغصب! ! !
طلعت من المدرسه والف سؤال في راسي..رحت للبيت بسرعه مشي لأنه قريب من المدرسه
يوم قربت من البيت..إلاالمح " أحمد"عند باب بيتهم جالس..ياالله من زمان ماشفت هالوجه إللي يفتح النفس..قرب مني والبسمه في وجهه
أحمد:سلام أموله وينك من زمان ماشفناك!ولاعشان كبرتي وصرتي تلبسين عبايه شفتي نفسك علينا?
أمل:لاوالله يا أحمد بس اخوي يهاوشني يقول أنتي كبرتي عيب تلعبين معهم
فجاءه ودون سابق أنذار !!ماطالعت إلا الغبره جايه من بعيد...! ! ! إلاأبو الشباب"مطلق"جاي مسرع وهو إللي يلبق نعوله عندنا..(طبعن هو مايعرف يسولف ولايتكلم إلا إذا فسخ نعوله! ! يقول آخذ راحتي بالكلام أكثر! !!<<<هذي معلومه بسيطه لا أكثر عن الفتى الأسطوري..
المهم وهو اللي يسحب"أحمد"من عند رقبته ويقوله :وش عندك مع بنت عمي??
وأنا إللي أدفه وأقوله:عيب يا"مطلق" أحمد ماسوى شي
مطلق:أقول هذي بعد كم سنه راح تصير زوجتي رح شف لك وحده ثانيه!
أنا هناء عصبت وأنا إللي أعطيه كف على وجهه..دخلت مسرعه للبيت لأن كنت خايفه يجيني الرد على طول..بس الحمد لله ستر الله
رحت لأمي وسألتها:يمه وش سالفة "مطلق" ??وقلت لها وش صار بالمدرسه ووش قال مطلق بعد..
قلت لها:لايكون مخبين عني شي وانا ماني داريه??
هنا أمي فهمتني السالفه وسالفة حجزي ل"مطلق"
أنا صرخت:يمه لا .. مستحيل مطلق!! لايمه أكيد تمزحين..أكيد مسويه معي صادوه!!
قعدت أبكي بكاء هستيري ضمتني أمي وهي إللي تبكي معي
أمي:ياحبيبتي هذا الكلام من زمان..ماتدرين لو أبوك يغير رايه فيه..وبعدين توك صغيره أنسي ياحبيبتي..
أمل:وشو صغيره??تبون تكبروني وتزينوني وتسمنوني وتهدوني له??
قولي يمه من الحين إذا الكلام جد خليني أتلاحق عمري
مابي أصير مثل مصير أختي "هدى"!!
-----مرت الأيام وشهور محد جاب لي طاري الكل مسكر على الموضوع ..أنا كنت أشجع نفسي وأقول مستحيل يعني من سابع المستحيلات آخذه!
جانا خبر أن أهل"أحمد"أنتقلو للخارج بسبب شغل أبوه ضلينا أنا وياه متصلين مع بعض عبر الأيميل وكان دايم يطمني أنه راح يجي ويتزوجني!
--------------------
"مطلق"صار يسير علينا دايم ويجيب لي هدايا (غصب إلا يحببني فيه)صحيح يحبني ويموت فيني..بس القلب مايبيه والعين ماتطيق شوفته
---------------
صحيت من تفكيري العميق على صوت أمي وصورتي أنا و"مطلق"بيدي
فتحت الباب لأمي
قالت لي:ياالله حبيبتي أستعدي الحين بتجي النقاشه وتنقشك..دخلت علي أختي"هدى"وشافت الحزن بعيوني ضمتني وطالعت فيها وقلت: هدى كأن عندك بشرى ساره لي..كني سمعت أنهم أفرجو عني!!سمعت أن"مطلق"أعتق رقبتي لوجه الله!!
أمي و"هدى"قعدو يطالعون لبعض يحسبون أني أنجنيت
مسحت أختي"هدى"على راسي وقالت:ماتدرين يمكن تكوني اسعد انسانه شوفي شلون أنا سعيده مع ولد عمي الحين مع أني كنت مابيه..
طالعت فيها وقلت:مصدقه أني بآخذه نجوم السماء أقرب له!! أختي قعدت تطالع فيني بدهشه! ! !
جتنا النقاشه..ورسمت رسمه حلوه على يديني..رفعت يديني فوق وجلست اطالع فيهم تذكرت أول ماتنقشت في الثانويه كان عندنا حفل تخرجنا في المدرسه وأنا كنت مشاركه فيه..ذاك اليوم كنت مستانسه مره بس للأسف.!رجعت للبيت وسمعت أتعس خبر بحياتي~~~^^
جيت البيت إلا عندنا عمي وعياله..دخلت إلا أمي عندها مرة عمي وأختي
قلبي عورني..دخلت غرفتي طوالي وقفلت على نفسي كأني كنت أهرب من شي!!
صحيت المغرب على صوت باب غرفتي يدق..فتحت وعيوني نوم إلا أمي وأختي وهي إللي تخمني أمي وتبارك لي
قلت بستغراب:وشو يمه????
أمي:مبروك قبل شوي ملكنا لك على ولد عمك "مطلق"
! @! @! @ ! @ ! @ ! @ !
ماصحيت من صدمتي إلا وأنا في المستشفى
ماتتصورون وش كثر أنقلبت حياتي فوق تحت..الدمعه ماجفت من عيوني مااطلع ولاأروح لحد..تخيلو أنتم بموقفي!!انسان ماأداني طاريه أروح وأتزوجه!!!
تمر الأيام وأحس موتي قرب
مرت فكره في بالي قلت مالي إلا أدق عليه وأفهمه أني ماأبيه
أخذت الرقم من جوال أخوي ودقيت عليه في يوم من ألأيام
وجاني ذاك الصوت الجهوري مطلق:الوووووووو?
أمل:السلام عليكم أخوي
مطلق:هلا من معي?
أمل: أنا أمل بنت عمك
مطلق بدهشه:
يؤيؤيؤيؤ زوجتي??
مامداني ملكت عليك تبين تكلميني! لهدرجه ماعندك صبر وأنا أقاطعه:أسمع يا"مطلق"ماني مطولتها معك أنت ولد عمي على عيني وراسي..بس وربي ماأفكر فيك كزوج أنت مثل أخوي..ياخيي مابيك ماحبك أموت ولا آخذك
كنت أنتظر رد قاسي منه بس الولد ساكت!!
وبعد سكوت طويل رد علي :اسمعي يا"أمل"أنتي ماتحبيني يمكن بس أنا أموت بترابك والله يا"امل"أنك عيوني..أدري أنك مستحيه من الزواج بس والله يا"أمل"للحين ماعرفتني! أنا خاش لك مفاجآت في زواجنا!
أمل:تستهبل أنت وخشتك ?وجهك أكبر مفاجئه !!قال مفاجآت قال!
ياخي خل عندك كرامه وأتركني!
رد علي وصوته غير:أمل اسألك بالله ليش ماتبيني??لأني ماني حلو صح??
مابغيت أصدمه حيل وأقول إيه
قلت:غير شكلك ياخي أنت فاشل في كل شي..حنا مانناسب بعض!وصدقني إذا خذيتني بنطلق طوالي
سكر السماعه بوجهي الملعون ماخلاني أكمل!!
--------------------بعدها بأيام ماصار يجينا"مطلق" حتى أخوي استغرب عن سبب أنقطاعه
وحتى أهل الحاره ماصار أحد يشوفه
أنا هنا استانست قلت أكيد أن خطتي نجحت وكرهني وبيتركني..
المهم جاء ذاك اليوم إللي الاقي فيه رساله بجوالي من رقم "مطلق"كاتب فيها:
أوعدك يا"أمل"أني راح أتغير وراح اسوي المستحيل عشان أرفع راسك..وراح تشوفيني بعينك
حبيبك المخلص:مطلق
~حبتك القراده هذا ماأيس مني وش ناوي يسوي?
مضت سنه كامله و"مطلق"لاحس ولاخبر حتى جاء اليوم إللي قالو فيه أن"مطلق"أخذ من العشره الاوائل على المملكه..
الكل تفاجاء وانصدم?
بعدها بشهور جانا خبر أنه تم قبوله بكلية الطيران
أنا هنا فطست ضحك ماأتخيل شكله حسبتها مزحه بس طلع الكلام جد!
بعد شهر جتني مكالمه على جوالي منه
جاني صوته حزين حيل
مطلق:اسمعي "أمل" أنا مابي منك أي كلمه حبيت أقولك بكرى بسافر للخارج بكمل دراستي وراح أرجع وأنا طيار أنشاء الله
كل هذا قسم بالله لعيونك يا"أمل"لعيونك لأنك صدمتيني حيل يوم قلتي أني فاشل!
"أمل"مستحيل أعيش بدونك تكفين أنتظري رجعتي
~~جيت بقاطعه بقوله لو وش ماسويت مابيك لو رجعت ملك مابيك..
قالي :مابي منك أي رد
أحبك..
سكر السماعه بوجهي
-------------------- سافر أبوالشباب للخارج وأهله يبكون على فراقه وأنا أبكي على رداة حظي..وأنا أنتظر هالغول متى يرجع هو وطيارته! ! !
مضت سنين وسنين وأنا أكبر وهمي يكبر__طول هالفترة وأنا أتخيل شكله وهو راجع قلت يمكن يتغير وجهه هناك...مضت أربع سنوات وقربت رجعته للبلد..
أنا شديت حيلي بالدراسه عشان أنسى همي
-------------------- جاء ذاك اليوم إللي وصلت فيه طيارته للبلد عند عمي عشى بمناسبة تخرجه طيار والكل ينتظر"مطلق"
أنا هنا كلي آمال أني أشوف واحد ثاني قلت يمكن أشوف قدامي"براد بيت"
ولا"توم كروز"!! بشوف كيف صار هالطيار!!
وأنا إللي اطل من الدريشه بشوف خشته يمكن تساوت هناك?
وقفت السياره الكشخه عند باب عمي وينزل منها ذاك المسكب بشماغ وأناإللي يخفق قلبي ..ويلف وجهه على بيتنا
آلا هذي هي خشته ماتغيرت..لا وكبرانه بعد....!!
دخل وسلم على أمي وأهلي جتني أمي تقول"مطلق"يبي يشوفك ويسلم عليك
قلتلها: يخسي..ماعندنا بنات ينشافون قبل الزفه!
أمي:عيب عليك هذا زوجك أمشي لاتفشلينا مع الطيار.
جت فكره في بالي¥¥
وأنا أروح أتغطى وأدخل عليه وأمي معي وجلسنا بالمجلس وسكرت علينا الباب أمي وراحت..أنا خفت ورحت انخشيت ورى الكرسي يمه شفته قربلي صرخت وقلت:تكفى أنا مثل أختك تكفى يا "مطلق" أعتق صراحي أنت الف بنت تتمناك مشاء الله مزيون(من جنبها) وكشخه وطيار..حتى بنات عمي ميتين عليك"عاليه"و"سعاد" بس أنا قلت لهم بشاوره وأرد لكم..تكفى ياولد عمي وش قلت??
حط الهدايا على ألأرض وعلامات الحزن على وجهه جاء بيطلع مسرع وأنا إللي أركض وراه وأنزل تحت عند رجوله ابي ابوسهم وأتوسل له يتركني
كنت أبكي بحرقه وأنا أقول:تكفى ياولد العم أتركني
وهو إللي يرفعني من على الأرض والدموع تملى عيونه ويقول بصوت خانقته العبره:تكفين يابنت عمي لاتبوسين رجولي..أنتي "أمل"مكانك فوق الراس مو تحت..لوتبين روحي أعطيك ياها بس إلا هالطلب يا"أمل"
وهو إللي يبوس على راسي يطلع برى مسرع..
-------------------- رحت لغرفتي وأنا أتذكر شكل "مطلق"وهو يبكي ..معقوله كل هذا يحبني!! بصراحه أنا صدمته حيل ..بس شسوي ماأبيه!!
صحيح هو تغير حيل والكل لاحظ صاير على قولتهم جنتل مان..وكشخه وكل العيال يتعلمون منه وصاير لبق بالكلام ومثقف بزياده والكل يضرب له حساب
بس ياربي شسوي ماحبه حاولت أني أحبه بس ماقدرت! (يمكن لأني ماخذه المسأله عناد من يومي صغيره!??)
-------------------- أنا حسبت أنه بعد موقفي راح يكرهني ويتركني بس للأسف!!
بعدها جاني أتعس خبرسمعته!! جاني الخبر أنه حدد زواجنا بعد شهر! ! !
وش قصده شكله بنتقم مني@@! لاأخاف الدعوه شكلها عناد!!
قسم بالله ألف فكره جت في بالي عشان أنحاش من واقعي بس للأسف ماقدرت وصار إللي صار
-------------------- صحيت من تفكيري على صوت أمي..قربت مني ومسحت دموعي إللي على خدي..
أمي: نامي حبيبتي بكرى وراك روحه للكوافيره بدري أنتي عروس لازم تريحين.. ~~~عروس!!?? لاوالله كنكم موديني للمقبره
حاولت أنام بس ماقدرت ودموعي ماوقفت ..
جاء الصباح ودخلو علي أخواتي يبون نروح للكوافيره أنا هنا كني بحلم ساكته وماأتكلم بس دموعي تنزل..طلعت من الكوافيره وكنت في غاية الجمال..كنت اطالع نفسي وأقول ياحسافتي على خشة "مطلق"
طبعن رفضت اسوي زفه أنا وياه عشان محد يضحك عليه وأتفشل!
**جت اللحظه الحاسمه..زفتي عليه في القفص الذهبي
مدري وش فيني جتني رجافه وأم الركب وقعدت أبكي وأصيح تكفون رجعوني!! أمي وأختي قعدو يهدوني أخوي طلع يبكي .أبوي جاء وباس على راسي وقال:الله يوفقك
طالعت فيه وقلت:الله يسامحك طلع ابوي والحزن بوجهه
كنت ماسكه يدين أمي بقوه وأرجف كنت أنتظر أخوف منظر بحياتي أنتظر لحظة دخوله علي~~
دخل علي وأول مالمحت كشرته حامت علي كبدي..قربت من أمي وقلت: لاتتركيني له.
جاء وسلم على أمي ومدري وش قالها وطلعت
أنا بغيت أنجن يوم شفتها طلعت وقعدت أصوت:وين يمه??
طالع فيني وهو يضحك وقالي: أمك راحت خلاص أنتي لي
طالعت فيه بحقد وقلت:تنكت أنت ??رح نادها بسرعه أبيها قعد يضحك مره ثانيه وقال:ياحلو العروس المستحيه?? وأنا أتلفت يمين ويسار أدور العروس المستحيه وأقول بدهشه: مصدق عمرك أنت .?رح ناد أمي
ماطالعت إلا قفل الباب وهو مبتسم سحب المفتاح وقلت الحين يبلعه
وأول ماشفت الوضع كذا وانا أتلفت بدور لي شي بضربه براس قبل لايقرب...
وأول ماشفته قرب وأنا أصرخ:أرجع موبحسن لك إذا قربت!
وإللي قاهرني أنه فاطس ضحك يحسبني أمزح معه!!! فجاءه شال شماغه ونزل بشته..قلت إذا نزل ثوبه والله لصكه بالمزهريه!!
جلس على الكنبه وهو يطالع فيني وعيونه تبي تاكلني!
وأنا شكلي يضحك واقفه بالزاويه وأرتجف..@@
طالع فيني وقال:تعالي طيب اجلسي هنا والله ماراح أقرب لك..
رفضت وضليت جالسه بزاويه قالي وهو يضحك:إلا متى وأنتي كذا??!
ضلينا على هالحال لمدة ساعه كامله وهو مانزل عينه عني يطالعني بنظرات كانت كلها حب!!
قام وقرب مني..وأول ماقرب حطيت يدي على وجهي وطلعت ذاك الكلام إللي كنت شايلته لليلة الزفه وأنا أقول:أنا ماحبك انا مابيك والله خذيتك غصبن علي والله بغيت أنتحر بس عشان ماأتزوجك..مافيه كلمة سب وهجاء ماقلتها بعد ماتعبت وسكت..
طالعت فيه إلا هو منزل عيونه بالأرض ..رفع راسه وكانت نظراته مليانه حزن..قالي: أمل ...تدرين أنك أجمل أنسانه بهالكون??!!
قرب مني ..قلت الحين يضربني ..باس على راسي وطلع برى الغرفه
مادري حسيت أني وحش وقتها بس والله غصبن علي ماأبيه..
جو أمي وأخواتي عندي ضمتني أختي"هدى"وقالت:أنشاء الله عجبك أشوفه حيل مستانس ويقول لأبوي وأخوي أنكم جلستو تسولفون وتضحكون!
استغربت!! بصراحه خفت أنه يعلم ابوي بكلامي بس الحمد لله ستر علي..
ضلينا على هالحال لمدة طويله مانقرب لبعض ..إذا نمت بسرير نام هو على ألكنبه بصاله..وإذا شفته نايم على السرير قبلي..رحت ونمت بصاله..وأتفاجاء في الصباح إلا أنا علي السرير وهو بصاله!
كانت الفله إللي اسكن فيها من أجمل فلل المنطقه..وعندي طباخه وخدامه وسواق بيت كامل متكامل زي البيت إللي كنت أحلم فيه__بس للاسف كان ينقصه الحب المتبادل!!
كنت أتحاشى الكلام معاه وهو حب يخليني على راحتي بس كان هو مايسكت يسولف وينكت وقصص ماتنتهي كنت بس اسمعه من دون ماأناقشه__كانت سوالفه تجذبني بس أنا أبين له العكس..نظرات عيونه كانت تضعفني شوي..بصراحه تصرفاته جدا رائعه على عكس ماتوقعته!
كل صباح أصحى فيه من النوم الاقي هديه على سريري منه..!هدايا فخمه مره أبن الحلال ماقصر معي بشي!بس قلبي هو إللي قصر! ! !
-------------------- سافرنا شهر العسل للخارج"اسبانيا"من يوم أنا صغيره كنت أحلم فيها..مافيه مكان مارحنا له__كل إللي في بالي شريته وهو يدفع وهو مبسوط.!! كان طول الوقت ماسكني ماحب يفارق يدي لحظه وحده! !
ضلينا شهر هناك وبعدين رجعنا لأرض الوطن..الكل يمثل قدام اهله انه سعيد وبالأخص هو!
---------
جاء ذاك اليوم الغريب!!إللي دق فيه جوال"مطلق"
كنت ماره من جنب الغرفه وانا اسمعه يتكلم بصوت عالي ويصارخ!
والمفاجاءه كان يكلم بنت!واسمعه يقول:خلاص يا"نوال"انسيني!
@~@ أنا هنا ماني مستوعبه!منهي المقروده إللي تكلمه !!
حسيت عيوني حمرت معقوله تكون غيره??!!!
لا لا ماأظن..
طلع هو قالي بيروح لصاحبه ونسى جواله''وأجي والاقي في جواله أكثر من خمسين مكالمه ورسايل حب وغرام وعتب كانت من رقم غريب على ماأظن من البنت نفسها!
جواله مايسكت مكالمات ماحبيت اسأله لان مايهمني
في يوم من الأيام كنا جالسين بصاله وكان معاه الاب توب جالس يستخدمه..دق جواله وقالي أنه العمل طالبينه فورا!!
نسى الاب توب مفتوح وأنا أقوم واجلس عليه والاقي إيميله مفتوح..كان معاه بالايميل بنات كثير@@
قريت الرسايل في الوارد كانت كلها بنات يعتبون عليه وعلى غيبته
والاقي رساله من وحده اسمها "نوال"كانت رسالتها حزينه..وكاتبه فيها:يامطلق راح أسوي المستحيل عشان ترجع لي@@
أنا عصبت وشفتها متصله وقتها ودخلت عليها وقلت لها أني زوجته
البنت تفاجاءت وماصدقت!طلبت رقم جوالها عشان أشوف وش سالفتها..وافقت وبدون تردد
دقيت عليها..وردت على صوت وحده مره ناعم وقالت أنها"نوال"
قلت لها وش تبين ب"مطلق"??
قالت لي:من زمان وأنا أتمنى أكلمك__أنا أحب"مطلق"من يوم ماكنت أدرس بالخارج معاه
سألتها:يعني شفتيه وتحبينه??!
قالت:إيه وأموت بعيونه
قلتلها:متأكده شفتيه وتحبينه??
قالت:صوره مليانه عندي
صحيح شكله مو حلو بس والله أنه يملك شخصيه رائعه وعنده صفات تميزه عن غيره البنات إللي كانو يدرسون معي كانو يموتون فيه@@
قلت أنافي نفسي:سبحان الله محد ضايع!
قالت لي:والله أني أحسدك انك زوجته قسم بالله أنك طايحه في كنز ومنتي داريه عنه ومنتي مقدرته!
قلت لها وش دراك أنتي??
قالت:كان يقولي وحنا بالخارج أنه يحبك وحتى لماتزوج صرت آخذ أخباره من زميلنا"خالد"يقولي أنه يشكي له منك أنك ماتحبينه
وكأنه مو متزوج!
آمانه إذا زواجكم فاشل اطلبي الطلاق منه..وأنا راح احطه بعيوني!
أنا هنا مت من القهر..وهالمره أظن أنها"الغيره"!!
وأنا أقعد اسفل فيها وأحذرها أنها تبعد عنه..
سكرت السماعه بوجهها وأنا كلي استغراب !منهي هذي إللي تحب"مطلق"لهالدرجه ! قلت يمكن تكون شينه بعد هي ..ورحت ادور لها صور بالأيميل وأخيرا لقيت لها الصدمه كانت كبيره حييل@@ لقيت صورة وحده حلوه حيل أحلى من الحلى !كنت أحسب مافيه وحده أجمل مني لين شفت صور"نوال"
قلت ألاقيها فرصه وأزعل بيت أهلي واطلب الطلاق
بس أكيد أبوي بيرجعني له قلت مالي إلا اسكت وأخليه أصلن أنا ماأحبه
رحت وفتحت إيميلي القديم وأتفاجئ والاقي"أحمد"متصل وهو بعد تفاجاء فيني لأني قطعت معاه لما تزوجت
قعدنا نسولف مع بعض..هو للحين بالخارج وقالي أنه تزوج مرتين وطلق قال أنه مالقى وحده يحبها وأني مافارقت باله ولا لحظه!
سالني عن أوضاعي وقلت له أني ماني سعيده
قالي اطلبي الطلاق من زوجك وأنا راح أجي طوالي وأتزوجك
استغربت منه..حط الفكره براسي.. أحمد كان حلم حياتي قلت بدور أقرب مشكله وبزعل واطلب الطلاق
-------------------- قعدت اراقب"مطلق"وأرسل السايق يلحقه لاطلع ويشوف وين يروح وين يجي
كان دايم بالعمل ولا عند خويه "خالد"ولا عند أهله ولا أهلي..مايتعدى هالأماكن
~~الين جاء ذاك اليوم إللي الاقي فيه الكارثه العضمى@@
كان عندنا زواج..و"مطلق"كان تعبان وجلس بالبيت
رحت أنا لزواج وكثير حريم ماأعرفهم جو وسلمو علي وكل وحده تقول هذي زوجة الطيار...
جلست مع زوجة"خالد"خوي مطلق ..كانت تشكي من زوجها لأنه كان راعي حريم وكله يكلم بنات..قالت لي أنتبه لزوجي لأن زوجها دايم يسولف لها عن البنات إللي مزعجين "مطلق"وعن وحده اسمها"نوال"بنت تاجر يقول أنها مجنونه فيه
قعدت تنصحني أني أنتبه لزوجي وحياتي وقالت أن مطلق بايع كل الناس عشاني وأنا مو حاسه فيه!
المهم مشيت من الزواج بدري دقيت على السايق ياخذني
طول الطريق وأنا افكر بكلام زوجة"خالد"وافكر ب"مطلق"وحبه لي
حرام ليش أسوى فيه كذا..
شفت عند باب بيتنا سياره غريبه وكان فيها سايق!
دخلت طوالي للبيت وأشم ريحة عطر نسائي تعم البيت فجاءه اسمع صوت بنت تبكي@@ واسمع صوت"مطلق"يصارخ عليها
مشيت شوي شوي لين قربت من الصاله واطل شوي وأشوف بنت في غاية الجمال قاعده تبكي ومطلق يصرخ عليها:اطلعي من حياتي يا"نوال"عيب إللي تسوينه أنا متزوج وأحب زوجتي..وأنتي الف واحد يتمناك!!
إي والله هذي اللي بالصور شفتها
أنا هنا فتحت الباب بقوه ودخلت عليهم
"مطلق"طارت عيونه فيني خاف أني أفهم الموضوع غلط البنت قاعده تطالع فيني بحقد وأنا أروح وأوقف قدام زوجي
وأنا أصرخ عليها بقوه:اطلعي برى بيتي ياتافهه
قامت وطالعت فيني وقالت:أنتي ماتحبينه وش تبين فيه? قلت لها:إلا أحبه وأموت فيه
-طارت عيون "مطلق"
عيب عليك أطلعي من حياتنا ياقليلة الأدب وتربيه
قربت مني ورفعت يدها تبي تضربني@@وهو إللي يدفها"مطلق"على الأرض..قعدت تبكي وتصارخ وطلعت زي المجنونه!!
طالع فيني وكان منحرج مره وقالي:مشكوره حبيبتي
خليني أشرحلك الموقف
ماحبيت اسمع منه ..صعدت لغرفتي وجمعت أغراضي قلت بزعل لبيت أهلي
وخذيت أغراضي ورحت لبيت أهلي. !
سوى المستحيل عشان يرجعني..كل يوم يجينا ويقعد عندنا لصبح..فهمتني أمي السالفه وأخوي بعد ..بس أنا حاطه براسي زعل
قعدت في بيت أهلي لمدة شهر..كانت تجيني زوجة"خالد"تقعني أرجع وتكلمتلي عن مطلق وكيف أنه أنجن لما تركت البيت!
وحتى أخوي جالس يسولف لي عن مطلق وكيف إذا جاء المجلس الكل يضرب له حساب لكرمه واخلاقه العاليه قالي:أمل لاتخسرينه مستحيل تلاقين واحد مثل أخلاقه
~~أنا بصراحه قعدت من نفسي كثير وفكرت كثير وأخيرا توصلت أني ماراح الاقي واحد زيه وزي حبه لي يكفي أني أمشي رافعه راسي أن عندي زوج الكل يحترمه
قعدت أتذكر الأشياء إللي يسويها لي وحبه لي وصبره علي..
قلت مالي ألا أرجع ل"مطلق" وحده ثانيه مايعرفها أبي أرسم الفرحه على وجهه أبي أعطيه ربع إللي يعطيني من حب ..ياالله وشو شعوره لما يشوفني أبادله الحب أكيد بينجن!! خلاص كافي عناد مستحيل ألاقي مثل قلب مطلق أنا برجع له وراح أعيش حياتي معه وننسى إللي راح...
بالأول حبيت افاجئه! !رحت ودقيت عليه
رد بلهفه:هلا بحبيبتي ونور دنيتي
-مطلق أنا أشتقت لك وأشتقت للبيت تعال خذني
*~* أتفاجاء حيل مطلق وكانه مو مصدق إللي يسمعه
مطلق:أمل من قلبك هالكلام??!
-من كل قلبي يامطلق
سكر السماعه بوجهي@@ ماهي إلا دقايق إلا هو عند الباب يطوط
قعدت أضحك يوم شفته..دقيت عليه أبتغلى شوي قلت له: تعال بكرى خذني اليوم ماني مستعده!
مطلق:وش يصبرني لبكرى خلاص حبيبتي براحتك بس بكرى من الفجر عندك
في الصباح..قعدت ولبست ملابسي ورحت معاه للبيت طول الطريق وهو مستانس ومهيص ومافك يدي كان ماسكها طول الطريق! !
دخلت البيت وش منظر كأنه حلم بيتي كان مليان كله ورد كأنه حديقه من الداخل!والدباديب ماليه المكان وقلوب حب__كان المنظر جدا رهيب صعدت لغرفتي ولقيت ذاك الطقم إللي قيمته 30ألف على السرير__نزلت دموعي من عيني مايستاهل إللي سويته فيه__
دخل علي بالغرفه وكان لابس بدله جدا أنيقه وراقيه ومسوي شعره على ورى ويبتسم لي أبتسامه عريضه..بس هالمره أبتسامته كانت حلوه مره__وأكتشفت أنه مركب طقم اسنان من زمان مركبه بس أنا لأول مره أنتبه له
لأول مره بحياتي يعجبني"مطلق"@@
قرب مني ومسك يدي وباس عليها وباس على راسي__طبعا سمحتله
جلس يعتذر لي ويسمعني ذاك الكلام الحلو
جاب لنا عصير وجلسنا نضحك ونسولف وأنا مستحيه كأني عروس جديده
المهم ماحسيت في نفسي إلا نايمه وصحيت باليل إلا أنا على الفراش..أستغربت مدري وش صار امس
ماطالعت إلا"مطلق"داخل علي بالغرفه وهو طاير من الفرحه كانه مسوي أنجاز عظيم!!!
قمت من النوم والصداع بيكسر راسي
جاني وباس على راسي وكان لابس ملابس العمل قالي أنه بيسافر برى عنده دورة عمل يمكن يظل ثلاث شهور~~عورني قلبي للحين مابادلته الحب إللي كنت خاشته له..قربت يده من على فمي وبستها..هذي أول مره أبوس شي في "مطلق" طارت عيونه من الفرحه مو مصدق إللي شافه!! ضمني __مابغى يفكني وأنا مبسوطه
ودعني وراح والأبتسامه ماتفراق وجهه ودنيا مو واسعته من الفرحه! !
لأول مره أحس بفقدانه بالبيت أشتقت له وشتقت لدلاله وحبه لي والله أحس أني أميره معاه!
كان يكلمني دايم وهو بالخارج
وأنا أتجاوب معاه وأحس أنه حيل فرحان وكنت أقوله نبي نسوي كذا وكذا إذا رجعت
سبحان الله ماحسبت أني راح أتغير كذا! !
كنت بوقتها أفكر إذا جتنا بنت شسميها وأذا ولد بعد شسميه??
في يوم من الأيام صحيت الصباح وكنت مره تعبانه..رحت للمستشفى
جتني الدكتوره وهي مبتسمه وتقولي:مبروك أنتي حامل@@
بغيت أنجن!! كيف وأنا عمري مانمت مع زوجي! !
طلبت منها تتأكد..وتأكدت لي
رحت لبيت أهلي وكنت خايفه أقول لأمي!
قلت لها وهي إللي تزغرد من الفرحه..فهمتها أن"مطلق"ماجاني
قالت لي..أنه بعض المرات يحط لي منوم بالعصير لين أنام
طيرت عيوني من العصبيه غش*~*
دقيت عليه عشان أهاوشه
وأول ماقلت له طار من الفرحه بغى يخش علي من السماعه..وقعد يضحك زي المجنون..قعدت أهاوشه وهو إللي يضحك ويقول:وش أسوي فيك بالله عليك تبين أشوف كل هالحلا قدامي واصبر! ! تراي ماسويتها كثير لأني عجزت أنومك..
قعدت أضحك..وقلت له:هالمره مافيها منوم ..@@
جلس يضحك وهو ماهو مصدق الكلام إللي أقوله كان يحسب ألأيام وليالي عشان يرجع ويشوف وحده ثانيه
ضلينا كل يوم نكلم بعض وندور اسماء لعيالنا
هو قال إذا ولد يبيه "ياسر" وأنا إذا بنت بسميها"ليلى"
-------------------- قعدت افكر بحياتي الجايه وبطفلي إللي ببطني..
بهذا الوقت دق جوالي إلا رقم غريب ورديت إلا صوت رجال..وتفاجئت إذا هو "أحمد"!!!
-هلا أحمد ..لأول مره اسمع صوته بالتلفون
جلس يسولف معاي ويسولف عن نفسه وأنه رجع الحين للبلد وفاتح له أكبر شركه في البلده! !
جلسنا نكلم بعض كل ليله وهو يقولي كلام حب
ضلينا للمدة شهرين نكلم بعض
~~وفي يوم من الأيام جلس يكلمني عن زواجي وقالي لازم أطلب الطلاق منه..والولد إللي في بطني راح يعيش معنا ويحافظ عليه وعلي
جيت بقوله باحتقار تبي تحافظ علي زي مطلق أو بتحبني زي حبه!!
سالته وأنا بشوف نواياه: يعني أنت تبيني من يجي مطلق أتهاوش معه وأزعل بيت أهلي واطلب الطلاق وأتزوجك??
>>فجاءه اسمع صوت شي وراي يطيح على الأرض!!
والتفت وراي إلا"مطلق" واقف وراي وكان يسمعني طول المكالمه...
سكرت التلفون وفزيت بسرعه قط الهدايا إللي معاه على الأرض وكانت عيونه تشتعل جمر..طلع فوق للغرفه وسكر الباب
كنت خايفه مره وأرتجف مدري شسوي لأنه أكيد سمع كل المكالمه..حبيت أوضح له أن كنت أكلمه بس كذا قسم بالله بدون شعور..بس وش أوضح ووش أقول يكفي أنه سمعني
ضليت طول الليل وأنا سهرانه لين طلع الصبح..كان نازل من فوق فزيت من شفته..جيت أبي أتكلم معه بس عجزت تلعثمت وهو جلس ساكت ينتظرني أتكلم بس أنا عجزت مدري شقول
جلس على الكنبه إللي قدامي وقال:اسمعي يا"أمل" أنا صبرت معاكي كثير وتحملت عشانك الكثير وسويت لعيونك المستحيل صرت طيار عشان أرفع راسك وبنيت لك أفخم فله عشان راحتك سفرتك للخارج عشان وناستك مغرقك بالفلوس عشان ماتحسين فيه شي ناقص عليك__بعت الناس كل أبوها وشريتك تعرض علي مغريات يوميا وأصدها من أتذكر عيونك__متزوج سنه كامله ولا كاني متزوج سكت وقلت يمكن مع الأيام تتسنع ..بس للاسف تعبي راح فاضي...كل شي أتقاضى عنه يا"أمل"إلا أنك تخونيني__ومع مين??أحمد !! أحمد عدوي!!
كل شي أتوقع تسوينه إلا أنك تخونيني __تكرهيني ماتحبيني بس ماتخونيني
نزلت الدموع من عينه وقال:أمل..أنتي ماحفضتي غيبتي!
وماأحترمتيني
بعد ماجمعت قواي تكلمت وقاطعته:مطلق أنت فاهم الموضوع غلط
مطلق:سمعتك وانتي تتفقين معاه وتقولين بروح بيت أهلي واطلق وأتزوجك
صرخت بعالي صوتي: لا لا يامطلق أنا ماقصدت كذا
حط يده على فمي وقال:مابي اسمع منك شي أنا فاهم وش تبين وصدقيني راح أحققه لك
رحت لبيت أهلي بسرعه وأنا مدري وش بيصير.. أختي كانت عندهم دخلت عليها وأنا أبكي وقلت لها وش صار
وفهمتها أنه ماكان أقصد يوم قلت تبيني أروح لبيت أهلي واطلق وأتزوجك..قسم بالله أني بعدها بقوله مستحيل يصير هالشي
بس بكلا الحالتين أنا غلطانه مجرد أني سمحت لنفسي أكلم رجل غريب وأنا متزوجه هذي أكبر خيانه
من بكرى الصباح صار الشي إللي طول عمري ماراح أتوقعه! !!
جانا على البيت ورقه ..تدرون وش هالورقه??????????
>>>كانت ورقة طلاقي!!!!!! تصدقون ولا لا??
أمي قاعده تصيح وأخوي وأبوي معصبين
وأنا ماني مستوعبه إللي صار! ! معقوله بكل بساطه كذا .معقوله يتنازل عني كذا??
صحيح أنا غلطت حيل وماحفضت غيبة زوجي واستاهل إللي صار لي طلقني بسكات وحتى ماخبر أهله ولا أهلي باللي صار ستر علي ..!!
قعدت أبكي بحرقه وألوم نفسي ..تخيلو هذا الشي إللي طول عمري أتمناه أني أطلق من مطلق..ولما تطلقت بغيت أموت
"مطلق" طلع للخارج على طول
حاولت أدق عليه __بس جولاته مقفله.!الكل مستغرب ومندهش حتى أهله كانو يسألوني عن السبب وأنا ساكته مدري شقول لهم!!
ضليت طول فترة حملي ماني مستوعبه طلاقي!!!
لين جاء ذاك اليوم اللي جتني فيه الولاده
جبت ولد زي القمر وسميته"ياسر"زي ماكان يبيه أبوه
تفاجئت بالصباح في بوكيه ورد بغرفتي مكتوب عليه مطلق!!!
بطلعت من المستشفى وكان أبوه يجي كل شهر من الخارج يسلم عليه ويعطيه فلوس من دون مايسأل عني!! مضت سنه كامله..وجاني أبوي وقالي فيه خطيب جايك وتفاجاءت من يكون?
كان"أحمد"!!!@@
ماكنت مصدقه! وأهلي وافقو طوالي...كنت فرحانه حييل! هذا حلم حياتي!!!
هذا الشخص إللي كنت أتمناه
سوينا الفرح مستعجل وولدي خليته عند أمي__
كان الفرح بسيط وعادي
__ سافرنا من ثاني يوم للخارج كنت فرحانه وأنا جنبه لأن هذا الشخص إللي كان حب حياتي !!كنت فرحانه وأنا أتمشى معه..لأنه كان وسيم مره والكل يطالع بجماله__ هذا الجمال إللي كنت أحلم فيه!!
€بس تدرون....!'?
ياالله ماتتصورون وش كثر انصدمت فيه!
من ثاني يوم كنا بالخارج ضل سهران برى البيت ماجاني إلا الصباح وهو سكران ..بغيت أنجن توني عروس يجيني كذا??
لماصحى من سكره ناقشته وصرخت عليه وقالي أنه غشوه بالمقهى
ياالله وش كثر كان أنسان تافه وحقير
ضلينا أكثر من شهرين هناك على هالحال سكر بالليل ونوم كل الصباح..غير البنات إللي كنت أشوفه معاهم وكنت ساكته وأتحمل
وهو مايطلعني بس حاشرني بالفندق__ضاق صدري حيل أشتقت لهلي ولولدي "ياسر" قعدت أبكي من الحرقه
طلعت برى الفندق بغير جو ولقيت برى مجموعه من الأشخاص وكانو يتكلمون سعودي..وكان معاهم شاب شكله أنيق من بعيد قربت منه بسأله شلون أرجع لديرتي?
لف علي وكانت الصدمه أنه كان "مطلق" ! ! !
ياالله تمنيت أضمه والله وأقوله رجعني يا"مطلق"
طالع فيني وهو مستغرب: أمل !!!
بكيت طوالي من نطق بأسمي مسك يدي وخذاني للمقهى سألني :وش فيك ليش تبكين??
مسحت دموعي وماحبيت أقوله!
سألني عن ياسر"قال أنه توى جاء من ديرتنا كان عنده
سألني إذا كنت سعيده??
وجاوبته دموعي الحزينه على خدي
عطاني رقمه وقالي إذا أبي شي أدق عليه
رحت للفندق وسويت المستحيل عشان نرجع لديرتنا..ورجعنا أنا وأحمد وكان متضايق من رجعتنا
جبت طوالي"ياسر"عندي وكان متضايق من وجوده معانا ..وأكثر من مره الاقيه يضربه
حياتي كأنها جحيم ماذقت طعم السعاده معاه..كان بخيل حيل مع أنه كان قادر فلوسه تروح على الخمر والحريم..الكل يشكي منه في الحاره أخلاقه فاسده ولا يحترم أحد
مايهتم فيني وأكثر من مره الاقيه يكلم بنات وأنا عنده يقولي هذولي صديقاتي وإذا مو عاجبك روحي بيت أهلك
ماكان ودي أروح لبيت أهلي وأصير مطلقه للمره الثانيه حاولت اسنعه بس ماقدرت كان قاسي يضربني أنا وولدي
جاء مره وقال نبي نروح للخارج ورفضت بس هو غصبني ورحت معاه بالغصب
كان بيروح هناك عشان الخمر المتوفر والحريم المتوفرات..وخذاني معه عشان متى ماصحى من سكره كمل علي
تخيلو مره دخل علي خويه وبغى يعتدي علي لوماالحارس موجود كان رحت ضحيته
وأول ماجاء قلت له وصرخ علي وقالي أن هذا رئيسه بالعمل المفروص ماعلمت عليه
قلت له يعني ترضى أنه يجيني
قال:عادي حنا بدوله أوربيه وكل شي عادي
قعدت أبكي على حالي..وتذكرت "مطلق"وكيف كان يحافظ علي بس أنه سمعني أكلم طلقني لأنه مارضاها لنفسه
ضل يومين ماأدري وينه فيه!وأخوياه يطقون الباب علي وأنا أرتجف وأبكي ومقفله الباب ومااطلع
هنا قلت مالي إلا"مطلق" قلت يارب أنه يكون موجود دقيت والحمدلله رد
-الو مطلق?
-إيه أنا مطلق!أنتي أمل??وقعدت أبكي وأقوله الحقني
دقايق إلا هو يطق على باب الغرفه فتحت له وأنا أبكي تمنيت أضمه ..حكيت له كل إللي صار ...فار الدم بعروقه قالي اجمعي أغراضك ويله معي برجعك
وأنا طالعه إلا أشوف"أحمد" راجع! شافني مع"مطلق"وهو إللي يتهجم عليه بيضربه ..وماقصر "مطلق"طقه طق لين ماصار دمه يملى المكان خذاني بسرعه ورجعني لديره..
رحت لأهلي وقلت لهم وش صار وثار الغضب فيهم وقالو من يرجع نبي نطلق منه
من بكرى رجع "أحمد"لديره وحاول يرجعني بس ماقدر رفض يطلقني واهلي يحاولون فيه بس كان معند__
-------------------- وفي يوم مشؤم..طلعنا أنا والوالد بالسياره نبي نروح للمحكمه نبي نرفع قضية طلاق ..إلا تفاجاءنا ب"أحمد" ورانا بسياره وكان مسرع ورانا أبوي خاف وأسرع وهو إللي يحده يبي يوقفه__بس أبوي خاف ولف السياره وانقلبت فينا! !
~~صحيت بالمستشفى على صوت الأجهزه وكنت كلي أجهزه دخلت علي الممرضه وسألتها عن أبوي..قالت أنه بخير ..دخلو علي أمي وأخواني وكانو يبكون ..طمنوني على أبوي أنه بخير سالو الطبيبه عن حال..وقالت الحمد لله لقينا كليه مطابقه لكليتك..!
فهمت منها أن كلاي ماعادت تشتغل وأني ضليت ثلاث أيام في غيبوبه وقاعدين يدورون عن كليه مطابقه لي لين جاهم واحد متبرع..
سوو العمليه على طول لأنهم خايفين على حالتي
الحمد لله نجحت العمليه بسلام وصحيت ألا أهلي كلهم عندي و"ياسر"ركض وقفز على فراشي وضمني..ياالله خفت أني ماشوفه! ! !
بصراحه كنت مستغربه ليش "مطلق"مو معاهم كنت أتوقع أول ماأقوم الاقيه قدامي!!!
ضليت بالمستشفى فتره ورجعت للبيت ..وكانت المفاجاءه مع أخوي ..ورقة طلاقي من "أحمد" ماتتصورون وش كثر فرحت أخيرا افتكيت من الكابوس آللي كنت عايشته...
كنت اسأل عن"مطلق"طول الفتره وقالو لي أنه تعبان مره وماخذ أجازه من العمل__
----------------------------
خلصت فترة العده..وأنا مستانسه حيل بفراق "أحمد" رحت وطلعت مع أخوي ومشاني أناو"ياسر"يوووه من زمان ماتمشيت .. سالت اخوي عن"مطلق" وقالي أنه مره تعبان وكله بالمستشفى..خفت عليه حبيت أزوره بس خفت من الكلام علي!
-------------------- في يوم من الايام دخل علي أبوي وكانت الفرحه بوجهه..قالي: أمل ..جاك خطيب
استغربت أنا منهو إللي جايني قال: مطلق يا بنيتي ! ! !
كأني بحلم! ! ماني مصدقه! معقوله!!
أهلي خلو الشور لي ماتدخلو بشي __ بس أخوي كان رافض بشده..استغربت من أخوي!! قالي أن"مطلق" تعبان مره وكله بس بالمستشفيات وهو مايقدر على الزواج فيه خطر علي حياته!! دموع أخوي كانت تنزل وأنا بعد كنت مندهشه ودموعي تنزل !! محد قالي أن حالته بهالسوء
طلبت من أخوي أنه يخليه يجي ونسأله عن حاله??
جانا من بكرى وكان وجهه مره تعبان__خلانا أخوي أنا وياه مع بعض لحالنا ومعنا"ياسر"
سألني إذا كنت موافقه عليه سالته:إذا كان هو فعلا يبيني??
جاوبني وقال:والله يا"أمل" ماذقت طعم السعاده من طلقتك __صحيح كنت متسرع في قراري بس لحظة الغضب الواحد مايدري وش يسوي__ وكان أعظم خطئ بحياتي سويته هو طلاقك..حاولت أنسى ونقلت عملي بالخارج عشان أنساك بس ماقدرت__ وزواجك من"أحمد"كسر كل أمل كنت حاطه..والله تمنيت لك السعاده معاه بس للأسف طلع مايستاهلك وسويت المستحيل لين جبت ورقتك
والحين يا"أمل"خليني أعيش مابقى من أيام عمري بحضنك وانسى إللي راح
-أمل أنتي موافقه علي???
دموع الفرح إللي على خدي جاوبته
--------------------
سوينا الفرح عائلي__وكان بينا"ياسر"
ذيك الليله من أروع أيام حياتي وأنا أقضيها مع أروع انسان بالدنيا__قضينا طول الليله مانمنا كل واحد يطالع الثاني بحب والحب يحتوينا
تفاجئت وأنا أمسك شي في جنبه غريب ..فتحت المبه وشفت مكان عمليه في جنبه سالته بإستغراب عنها.. ضحك وقالي: عادي بقلدك...
هنا أنا شكيت أنه هو إللي تبرع بكليته لي
وحلفته بالله وبعد أصرار..أعترف أنه هو من تبرع لي
@@
ضميته بقوه وتمنيت مافكه قعدت ابكي على صدره وأعتذرله عن كل شي وهو مستانس ويضحك..
حط راسي على راسه وقال: أمل أنتبهي ل"ياسر" وأنتبهي لنفسك
قعد يقولي هالكلام وكأنه يودعني__سكته وقعدت أسولف له عن الأيام الجايه وش راح نسوي ..بس كان يطالعني ودموعه تنزل!!!!!!
-------------------- صحيت الصباح وكان من أروع الصباحات في حياتي..
ولقيت مطلق صاحي قبلي والاقيه واقف عند السرير ينتظر أقوم .. قمت وبسته وكان وجهه مره تعبان__
قالي أنه بيروح للمستشفى ويرجع قالي صحي "ياسر" بوديكم مكان مفاجئه!!
ودعني وطلع وكان وجهه مشرق
رحت وصحيت "ياسر"ولبسته وجلسنا ننتظر "مطلق" بلهفه وشوق هذا أول يوم نطلع فيه كلنا مع بعض!
تأخر مطلق ساعه وساعتين وثلاث!! أدق عليه ومايرد
مادري شسوي أذن الظهر ماجاء وأدق على أهلي مايردون
ماهي إلا دقايق إلا يدخل علي أبوي..كان وجهه يبكي قلبي عورني..سألته إذا أمي ولا أخواني فيهم شي??
قالي: يا بنتي أنتي مؤمنه بقضاء الله وقدره خليك قويه يابنتي
صرخت بصوت عالي: مين مين يا يبه???
-مطلق زوجك يابنتي عطاك عمره!!!!!
:( اسودت الدنيا بوجهي...مات مطلق مات
قعدت أبكي وأصارخ زي المجنونه لا لا لا لا أبي مطلق لا لا لا
جوني أهلي حاولو يهدوني بس فقدت عقلي
قاعده أقول:لا أصلن هو راح شوي وبيرجع حتى شوفوني أنا و"ياسر"لابسين!!
تكفى يبى رجعوه لي رح قله أمل وياسر ينتظرونك
عطوني مهدآت بس كل ماصحيت وتذكرته بديت أبكي وأصارخ...
قلت لازم أروح وأشوفه..وداني أخوي له
ودخلت بغرفه صغيره بالمستشفى..شفته ممدد على سرير وكان وجهه أبيض ومنور ..قربت منه وأنا أرتجف وابكي..لاول مره أشوف منظره كذا!! كان ممد ولايتحرك كان منظره يخوف ضميته بقوه أحاول أصحيه قلت يمكن أسوي معجزه وأصحيه بس للأسف كان جثه هامده!!
قعدت أحرك يده وأقول:مطلق شوفني أنا أمل حبيبتك بجنبك يله أنا وياسر ننتظرك يله قوم قوم..يوم شفته مايتحرك وأنا أصرخ بعالي صوتي:
مطلق~~~~~~~
(راح مطلق راح أطهر قلب بهالدنيا راحت الضحكه بدنيا راح الحب راح الكرم راحت الرجوله والوفاء__راح الذي
ماخلى وراه إلا الحزن والذكريات الحلوه__راح الذي طول عمري وأنا أبكيه .. راح مطلق وخلاني بهالدنيا لحالي.. راح بس أهداني أحلى شيين بدنيا ماأتكلم عن الفلوس وعن العمارات إللي ورثتها منه.!! أتكلم عن أروع شيين أهداني إياهم..
هم ياسر ولدي وكليته إللي في داخلي..
الكل بكاه من كبير وصغير
حضر العزاء ناس كبار جدا وناس معروفه بالبلد__الكل جاء وعزاني وسلم على ولدي... رافع راسي حتى بموته الكل يدق تحيه لولدي *****
عرفت أنه بعد ماتبرع لي بكليته تعب لان كليته الثانيه ماتشتغل..خاطر بحياته عشاني ..قدم لي حياته ورحل عن الدنيا!!! هذا إللي تعبني حيل كل ماتذكرت تضحيته قعدت أبكي بحسره!
--------------------
قعدت فتره الحداد في بيتي ولقيت في يوم من الأيام رساله في درج..وأكتشفت أن مطلق كاتبها قبل وفاته كان كاتب فيها:
حبيبتي"أمل" أنا قاعد أكتب هالرساله وانا مادري متى بتقرينها كتبتها في صباحيتنا أنا ياأمل خلاص حالتي تعبت ومافيه أمل لشفائي أنا قدمت لك كليتي السليمه وضليت في التعبانه بس عشان أعيش معك مابقى من حياتي سعيد..بس حالتي سائت وعلاجي صعب ومابقي إلا أيام معدوده وأنتقل لرحمة الله__تدرين أن هاليوم إللي عشته معك في حب وأشوف الحب في عيونك من أروع أيام حياتي خلاص يكفي هالشعور إللي عشته وأشكرك من كل قلبي على لحضات الحب إللي منحتيني إياها__أمل تكفين أنتبهي ل"ياسر"ولنفسك تراني صحيح رحت عن الدنيا بس ماخليتكم كذا!خليت لكم ثروه كبيره ماتخليكم بحاجة أحد حتى عيال عيال ياسر يستفيدون منها..
وأعذريني يابنت العم إذا قصرت معك في شي__ واسمحيلي بالرحيل مع أن ماودي بس هذا حال الدنيا كلنا راحلين__
محبك الأبدي:مطلق
~تمنيت إني ماقريت الرساله من قريتها وأنا ماتجف الدموع من عيني!
قعدت شهور وسنين حاولت أنساه بس ماقدرت حيل تعبت كل ماشفت ولدي ياسر وطالعت بعيونه تذكرت المرحوم..وتذكرت ضحكاته
بعت الفله إللي كنت ساكنه فيها لأني تعبت وأنا أشوف مطلق بكل زاويه .. البيت صار يخوف من بعده فاقده ضحكاته__
رحت وعشت عند أهلي وفتحت مشاريع خيريه وسميتها للمرحوم__
--------------------
هذي هي قصتي كلها وأتمنى من الجميع يستفيد منها..حبيت أقول لكل بنت..دوري على الشخص اللي يحبك وشاريك مو إللي أنتي تحبينه!! وترى الجمال مو أهم شي ..مافيه اجمل من"أحمد" إللي ماخلى وراه إلا كل ذكرى فاسده..محد يسأل عنه ولايسلم عليه وطى راسي بالأرض بافعاله ..
ومطلق إللي مافيه جمال بس جماله داخلي شفو شلون عزني ودللني ورفع راسي حتى لأخر لحظه وأنا أشوف الطيارين والضباط يدقون لولدي التحيه¥¥

سعودية 23 سنة تكتب قمة المنطق











كلمات صادقة









السلام عليكم ورحمة الله وبركاته


حياكم الله



هذا أول موضوع لي في هذا المنتدى

ومتفائلة أنه يتثبت ويلاقي صدى حلو

لأني عارفة رقي العقليات اللي بأحاورها


أنا لي شهرين أقرأ في هذا المنتدى

وبصراحة حاسة إني بين صديقاتي

أبهرني تعاونكم

وأهنيكم على المشرفات


ندخل في الموضوع.. وراح أتكلم بعفوية وتلقائية

لأن الكلام اللي يطلع من القلب مباشرة يدخل القلب



أنا بنوتة عمري 23

تغيبت عن مجتمعنا السعودي 8 سنوات

ورجعت له من شهرين


بصراحة تفاجأت وانصدمت من التغيرات اللي حاصلة

في المجتمع بكل فئاته وطبقاته .. في النوادي الرياضية..في الأسواق..والأهم في الجامعات والمدارس..وفي المنتديات والمدونات


تمنيت أني ألقى المجتمع تطور للأمام..أو تقدم للأفضل

لكني للأسف لقيت النقيض

رجوع خطوااات للخلف..من جميع النواحي

قد يكون كلامي فيه غلظة شوي

بس يقول لك المثل

يا بخت من بكاني وبكى الناس علي

ولا من ضحكني وضحك الناس علي


تساؤلات كثيرة أرددها بيني وبين نفسي وما ألقى لها أي جواب

وأنا متأكدة أنها تتردد على كل رزين وعاقل شرواكم


هل لما زادت رفاهية الحياة يزداد تخلفنا؟؟

هل لما تطورالعلم وتسهلت الطرق له يزداد جهلنا؟؟


ليه صرنا مجتمع سطحي

لاهم ولا رؤية ولا رسالة ولا هدف من الحياة


التفكير والتركيز على المنظر والمظهر


فيه كاريكاتير أول ما شفته زعلت

لكن ألحين حسيت إنه أبلغ من كتب ممكن نكتبها

الكاريكاتير يمثل شعوب العالم

فمثل الشعب السعودي

بكرتونات مزينة وإذا فتحتيها لقيتيها فاضية

وهذا واقع البنات اليوم مظهر ومنظر

ولو تقولين لها 1 ×1 كم؟

تنحت

لو تقولين لها وش آخر كتاب قريتيه؟

قالت هااااه

"بغض النظر عن الروايات التافهة اللي طايحين فيها هالفترة"


-----------

لو نص هوس المظاهر هذا كان على عقولنا لكنـّـا أنجح الشعوب

لأنه ببساطة كل شيء متوفر عندنا
لا ناقصنا مال ولا قدرات عقلية

------------------

الأجانب فلوسهم رايحة على تعليم عيالهم وتثقيفهم وصحتهم

تلقين راتب الأب والأم ضئيل ومستحملين شظف العيش عشان يرسلون ولدهم برى يدرس شهادة عليها القيمة
بينما عندنا يستحملون الديون والأقساط عشان تسوي زواج كله إسراف وتبذير وآخرته الناس طالعة منتقدة
وإلا ديون وأقساط عشان تقول صيفنا برى شهر كامل


والله أعرف وحدة شخصيا تقول السفر بالنسبة لي عذاب لأننا إذا سافرنا

طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في البيت تغيير ديكورات وأثاث

عصصصبت قالت خيييير سلايفي لين سولفوا أصير بينهم ما سافرت

وإلا إذا سولفوا صديقاتي إلا أنا ما سافرت وش بيقولون عني


!!!!!!!


مافيه تعليق

-----------------------

أنا لما جيت بعد هذي المدة توظفت في بنك

ولاحظت إنه إذا جت العميلة أم ساعة ألماس فخمة وشنطة قوتشي الكل يتبادر لخدمتها
وإذا جت العميلة اللي مظهرها ما فيه بهرجة.. تستجدي الموظفات يجون يساعدونها
والمضحك في الوضع إني ألاقي العميلة البسيطة ما شاء الله حسابها شي وشويات..وهذي أم البهرجة حسابها بالسالب(عليها قروض وسيارات تقسيط)..وعنوانها يا إما شقة وإلا أجار

مو انتقادي على القرض ولا على السكن انتقادي
هو إنك مكلفة نفسك بالديون والقروض عشان شويتين نظرة إعجاب من الناس
بس ما ألومك لكن ألوم المجتمع اللي صار سطحي..يحكم عليك بموديل جزمتك


----------------

أول تصنيفنا للمجتمع كان

جامعية

مثقفة

عاقلة

متربية

قليلة أدب

دينة

بنت ما ربوها أهلها

يعني كان مقياسنا

الدين والتعليم والتربية



أما ألحين

صار تقسيمنا للمجتمع

لو كلاس

هاي كلاس

بنت ستايل

بنت قروية

فعلا تصنيف متخلف رجعي سطحي

يعني رجعنا للجاهلية

وإحنا ألحين ننادي بالعولمة والعالمية والتطور والتحضر

الحضارة تبدأ بالعقول

-------------------
من جد من كثر ما أنا منهارة من هالوضع والله مو عارفة وش أكتب


أروح لنادي رياضي ألاقي ملابس يستحي إبليس يلبسها

طبعا هذا غير الاسترتشات اللي لما تتمدد يطلع البنطلون شفاف..شيء يجيب الغثيان.. المشكلة نتدرب في كلاسات كلها مرايا يعني ماتستائين من منظرك!!!!!

المشكلة إن زمان كان هذا الشيء

نكرة + قلة تربية + قلة دين


أما ألحين

عادي وكنه العيد

-------------
من أسبوعين اتصلت وحدة سعودية على فوزية الدريع قالت أنا معلمة كلمت واحد وحبيته وقال..و..و..وكملت تفاصيل حماقتها .. اللي من جد فشيلة على القنوات ينقال أنه هذي سعودية

قالت لها الدكتورة

"..وش هالخداج معلمة وهذا عقلج.. أي جيل بتخرجين لنا..وين مخج..وين تربيتج "

الخداج: هو الجنين في بطن أمه إذا تعدى الشهر الخامس

يعني تعدينا مرحلة أنهم رجعوا للمراهقة.. هم رجعوا لما دون ذلك
-----------------------------

أخذت اللغة على يد أمريكية..عاشت في أمريكا 10 سنوات من زواجها و3 سنوات في السعودية..

لأنها متزوجة سعودي

تقول أنا توقعت السعودية بتسهل علي تربية عيالي لكن اكتشفت العكس

برى لما يشوفون غلط أقول لهم هم كفار ينبسطون شوي وآخرتها النار

بس إحنا مسلمين ننحرم شوي وبنتمتع فورإيفر في الجنة

تقول وكانوا مقتنعين والأمور تمام

أما هنا لما يسألوني عن أشياء غلط يشوفوها في الفيصلية"والله كلامها نصا" أتلعثم وما ألاقي حجة مقنعة طبعا هم يعرفون كيف يحاورون عيالهم ما تقول له إلا كلام مقنع ومنطقي شوفي مخ عيالهم ومخ عيالنا


نرجع لها تقول صرت أقول لهم

"there are good muslims & bad muslims"

----------------------------------

فيه صرح رائع في عالم المنتديات اسمه مملكة المرأة

99% من مواضيعه عن المظاهروالشكل

هل عالم المرأة في قطعتين الملابس اللي تلبسها؟؟
لا وكل مالها تتقلص هذي القطعتين

وين ثقافة المرأة؟ وين أساليب الحوار؟؟ وين القضايا الدينية اللي تخص المرآة؟؟

------------------------

يا كثر ما نسمع

ماتوقعت الزواج كذا ؟

انصدمت بالحياة اليومية في الزواج؟

ما قدرت أفهم زوجي.....


عارفين ليه لأن منتدياتنا النسائية

ثقافتها


"بسررررعة بنات وين ألقى بانتي أحمر ..عشاني بألبس في الحفلة لوو ويست"


وإلا



"مين أفضل مركز ينظف لي البكيني بالليزر؟؟"


صارت البكيني منطقة عادي تطلع؟

تتقلبين على السرير بمنظر مقزز ومقرف.. وبدون ولا نقطة حياء؟؟

والله لو أمك اللي بتشيل لك بالليزر كان استحيتي

وين الحياء؟؟

مات؟؟

وإلا نخنقه عشان ما يسيطر على تصرفاتنا؟؟

وإلا اللي كان ماسك البنات شدة الأهالي؟؟ لما خفت شفنا الهوايل؟؟

وإلا الدين انحصر في صيام 30 يوم في السنة و5 صلوات في اليوم بس؟


كلها 8 سنوات تفاجأت وانصدمت

وما أدري متى أقدر أستوعب هذي التغيرات

اللي أتمنى تتعدل للأفضل ولا أحتاج أستوعبها



أتمنى أنها تكون نزوة وقريب تتلاشى وتصير ذكرى أليمة في الماضي ونقول كنا وكان

أتمنى يصير الخطأ شيء عيب ما نتفاخر به ونعتبره مقياس على مدى حضارتنا

--------------------------

ليه صرنا نستحي من الدين ومن العادات

"أنا أتكلم عن العادات الصح مو المتخلفة"

تجي كوافيرا تقول لو ما عندك تحفظ على الإكستينشن أعمليها

!!

صارت المسألة تحفظ؟

صار اللعن أمر قابل للنقاش والتحفظ؟

صار الوصل ينصح به في المنتدى على مسمع من مايزيد عن خمس مية بنت

وياليت وحده ردت وقالت حراااام

من واقعنا الكوافيرات أغلبهم نصرانيات عقيدتها المسيح ابن الله

بس الشرهة علينا إحنا يا أمة لا إله إلا الله

لو ما كانت شايفة جرأتنا وتمردنا على الدين ما قالت كذا

هل كان التوصيل قبل عيني عينك يكتب في بروشور الصالون؟؟ جنب السشوار والتسريحة..


لو أقدم لك كريم وأقول لك لو ما عندك تحفظ على السرطان جربيه تراه يبيض

وش ردة فعلك؟

فيه ردة فعل غير إنك ترمينه علي..وتنبهين قرايبك منه .. وتحذرين البنات في المنتديات

---------------------------
وحفلات التخرج وحفلات النجاح والدي جيهات والزواجات
كلها معازف وأنواع التفنن موسيقى وعود وأورج
وإلى آخر الليل وإلى الثلث الأخير.. وعادي .. ما فيه اللي يقول للغلطان تراك تماديت بالغلط
آخر الليل إذا ربي تفضل علينا ونزل لسمانا الدنيا
هل من داعي؟ هل من مستغفر؟ هل من تائب؟
عذرا يا رب إحنا مشغولين مع محمد عبده وأحلام
دوروا الدنيا بكل أبعادها
هل فيه ملك ينزل لك كل ليلة ويقول لك " تبين شي؟ "
أتفه ملوك الدنيا تلقين عنده 10 سكرتارية وبينك وبينه 10 أبواب
والدخول عليه بموعد إن كان يتنزل يقابلك من الأساس
أعجبتني عبارة لداعية مصري قال:
" ربنا ينزل كل يوم ينادي حد عايز حاقة.. وإحنا مشغولين عنه.."
----------------------

تجيك الوحدة تشتكي وقريتها هنا في المملكة

تقول ياربي أنا كنت أكلم واحد وحبيته

ولما تزوجت ما حبيت زوجي وتحملت قلة حبي له وبعد كذا اكتشفت إنه يكلم وحده وانهارت أعصابي

طيب.. وين الغريب في الموضوع

يعني قمة الخبث والخيانة

خنتي أهلك وربك وتبين واحد طاهر.. نظيف... قلبه عذري

مافي حياته إلا أنتي

وأنتي في حياتك عشرة قبله

عجب

!!!


--------------------------------

هذا غير الصور الشخصية وعبارات وصورالتوقيعات اللي كلها إيحاءات سيئة وسخيفة

وفيديوهات التوقيعات هذي لها نصيب الأسد في السوء


إحنا أرقى من كذا

أبصم بالعشرة أن كل قارئات موضوعي هذا متعلمات.. جامعيات.. أو في طريقهم للجامعة

ليه أحط صورة فاتنة لو مر عليها ولد حركت غرايزة

لا تقولين هذا سيكشن خاص بالمرأة

أتوقع كلنا سعوديين وأعرف الناس بشبابنا

قولي هنا ريحة حرمة وشوفي ردة فعلهم


وحتى؟أغلب العضوات يكتبون في أقسام أخرى والتوقيع والصورة ثابتة

لا تقولين هو لو يبي يشوف شاف

ما عليك منه عنده رب يحاسبه..بس لا تكونين سبب

يجي الشخص يوم القيامة تعرض عليه أعماله السيئة

أنتي كذبتي

أنتي أظهرتي مفاتنك لرجل

أنتي أخرتي الصلاة في اليوم الفلاني

أنت..

أنت..

أنت زنيت

يقول يا ربي ما زنيت

يقول له لكنك ساعدت أحدهم على الزنا

وكان عليك مثل وزره

والآية صريحة وحمدلله إننا عرب نفهمها بدون مترجم:

" ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون"



هذا إهداء للبنات اللي يدخـّـلون الشباب للأسواق في أيام العوايل لما يمنعهم السكيورتي

هو بيدخل ويرقم وتبدأ علاقة أنتي السبب فيها


وهذا إهداء للي تدل على مواقع سيئة


وهذا إهداء للي ترسل رقم واحد لزميلتها


الواحد يالله يستحمل ذنوبه.. يروح يشيل ذنوب الناس


والرسول صلى الله عليه وسلم يقول

" أيما داع دعا إلى ضلالة فاتبع فإن عليه مثل أوزار من اتبعه من غير أن ينقص من أوزارهم شيء وأيما داع دعا إلى هدى فاتبع فله مثل أجورهم من غير أن ينقص من أجورهم شيء "

أخرجه مسلم

--------------------------

والموسيقى اللي صارت زي السلام عليكم
أصلا صارت هي التحية والافتتاحية في المواضيع

في المنتدى سيكشنات مخصصة للأغاني

!!
وكأن الأغاني عادي مثلها مثل تبادل الأخبار وأسعار الأسهم

أفتح مواضيع هنا في مملكة المرأة

إلا مقطع الصوت تلقائيا شغال أورج

يعني بالقوة؟

ما دخلت سيكشن الأغاني..بس برضو مضطرة أسمعها؟

وهذا تجاوز للحدود والحريات

والمفروض يكون أحد شروط كتابة المواضيع منع هذا الشيء

لو بأنزل طبخة في وسط موضوعي

قلتوا: خير؟ غلطانه الأخت في العنوان


وبالنسبة للبنات اللي ينزلون زفاتهم الموسيقية

كم وحدة مرت على الموضوع من الأعضاء وسمعتها

+

كم وحدة مرت على الموضوع من الزوار وسمعتها

+

كم وحدة بحثت في قوقل وطلع لها موضوعك

+

كم وحدة أعجبتها الزفة وحطتها في زواجها اللي بتحضره 400 مدعوة


وعداد المعاصي شغال في ظهرك

وياطول الحساب

----------------------

زميلاتي في ثانوي لما شفتهم

من كثر ذهولي

صرت أشك في نفسي

يعني لو وحده تغيرت تزعلين ويضيق صدرك عليها

لكن لما 6 كلهم تغيروا

وش ردة فعلك إلا العجب



لا.. وأمر الحواجب هذا أمر عجيب

ما أدري هل نزلت بعدي فتوى جديدة بجواز النتف؟

نتف وتاتوو .. والضحكة شاقة فمها.. وكأن شيئا لم يكن

لو أقولها الله يلعنك بتزعل

لكن رب العالمين يمسـّـيها ويصبـّـحها على لعنة

إتز أوكي عندها


وإلا تجيك أم 14 سنة توها داخلة عالم النتف"عالم اللعن" أسفل حاجبها كله أخضر


فعلا.. صرنا على قول المصريين

نضحك على خيبتنا

-----------------------------

أما حكاية العبايات هذي يعني من جد كارثة

أقابل ربي في الصلاة محجبة

وأقابل الشباب في السوق بالعيون اللي فيها كيلو مكياج والغرة المنسدلة

أي تناقض هذا؟

أي ديانة هذي؟

أي أخلاق؟

عبايات وإلا فساتين؟


القضية اجتاحت حتى الأمهات

حريم كبار والله الشعر اللي فوق أذنها بدى يغزوه الشيب وتقول لي

تعرفين غرز الكروشيه بأحطه في عبايتي

يعني خافي الله في هالشيبات
جده والله العظيم

وش بقيتي لبناتك المراهقات
إذا أنتي بتزينين عبايتك بورد كروشيه
ماألومهم لو طلعوا من غير عبايات

------------------------

عشت في المجتمع الإماراتي حول سنة ونص

أحنا عارفين إن أهالينا محافظين أكثر منهم

وبلدنا محافظة أكثر

وموادنا الدينية في المدارس والجامعات أكثر


بس شوفوا حياتهم وتفكيرهم

كل بنت لها خطوط حمراء

هي حاطتها ومقتنعة فيها وفخورة بها

هناك المحجبة ترفع راسها بحجابها ومحد قدها

وعندنا هنا اللي عبايتها ساترة ناقص تدخل في الجدار من الحياء

تخاف يقولون عنها متخلفة

ياإنها مسوية كابوس هذي الكلمة للبنات

تذبح أمها وأبوها بس لا أحد يهمس بكلمة متخلفة

هناك تلقين البنت تقرأ كتب عليها القيمة
مثل
"ذا سيكرت - نساء من الزهرة- أسعد امرأة في العالم- سلسلة شوربة الدجاج..."
هنا تلقين في يدها رواية للهابطين اللي خسارة أكتب اسمهم هنا

-------------------------
نقطة إضافية
البلوتوثات والهوايل اللي فيها
العين تزني وزناها النظر
لو أقول لك شوفي فيلم إباحي قلتي لا حرام
طيب وهذا
ليس إلا اقتباس لأقذر ما في الفيلم
!!
رسايل الجوال والنكت الجريئة
والله لو أقول لوحدة قولي الكلمة السوقية الشوارعية هذي بلسانك
قالت مستحيل بس لما تنكتب كرسالة جوال تصير كلمة عادية
لا ومضحكة بعد..تسمعين الضحكات الرنانة ..
ما أدري هل القذارة صارت تضحك؟؟
والله لو ولدك وإلا أخوك قالها
كان صرختي: عيب عليك ترى بأحرقك بالنار عشان تتأدب
----------------------------
قبل أي فعل تقدمين عليه
لا تحكمين إيمانك لأن يمكن إيمانك ضعيف في هذي الفترة أو يمكن لا سمح الله أنه ما فيه إيمان في هالفترة
إحنا عارفين عقيدتنا تقول الإيمان يزيد بالطاعات وينقص بالمعاصي

ولا تحكمين قلبك لأنه ممكن قلبك يكون قاسي في هالمرحلة


حكمي عقلك لأن العقل هو نفسه ما يتغير


قولي هل لو كنت مريضة لا سمح الله بأسوي هذا الشيء
إذا الجواب إيه
أقدمي معناها إنه حلال وخير ولا تستحين منه إذا قابلتي ربك

وإذا الجواب لا
معناها تراك تجاوزتي حد مع ربك.. وبيكسر هالشيء عينك أنك تقابلينه وأنتي مسويته..

أي عمل قولي هل لو سويته بيكسر عيني مع ربي لو بأقول يارب اشفني وإلا يارب عطني


--------------------------------------
دعوة عملاقة أبعثها من هالمكان الراقي

حملة أتمنى نبدأها ونكون قدها ونوصلها ونسمعها الجميع

كفى..استهتارا

كفى ..تراجعا

كفى ..تنازلا


قومنا حملة لا للكوافيرات الغاليات ونجحت

وقومنا حملة السعودية للسعوديين فقط ولقت صداها


شدوا الهمة وساعدوني

أثروا الموضوع بردودكم الهادفة


يا صاحبة الدين..أضيفي كلمة تشهد لك يوم القيامة..مو الدين في غرفتك تصلين وتصومين وإذا شفتي الغلط غمضتي عيونك وسكتي عنه..هذا اسمه شيطان أخرس



ياصاحبة العقل الرزين..أدلي بدلوك.. نورينا بآرائك الهدافة



ياصاحبة الثقافة..ساهمي في تثقيفنا



هذا اللي جرأ بنات الغلط على المجاهرة..وهو إن صوت أهل الدين والعقل والرزانة واطي

علوا أصواتكم خلونا نسمعها ونسمّـع غيرنا

-----------

نبي وحدة تكون شجاعة وسباقة للخير

أكتبي هنا أنا غيرت صورتي الشخصية أو توقيعي

يله عشان تشجعين غيرك ويحذو حذوك

وتأخذين أجره

----------

نبي وحدة شجاعة نبيلة تقول أنا مسحت موسيقى كنت منزلتها في موضوعي

أو زفة نزلتها للبنات

-------------------------

نبي وحده شخصيتها قوية تقول أنا مسحت صور شهيرات هوليود من موضوعي لأن ملابسهم عارية

نقدر ننزل صور بتضليل خفيف يكسر جرأة الأفخاذ والصدور اللي طالعة

---------------------------------
خلوا شعارنا

الرجوع عن الخطأ خير من التمادي فيه

--------------------------



حقوق الطبع غير محفوظة

أنشروا في المنتديات والمدونات والإيميلات

خلونا نرتقي بمجتمعنا

خلي لك بصمة في الحياة

-------------------------

يارب هذا أقل ما يمكن أسويه

بس أتمنى أنك تعذرني به

أنا وكل من خطت حروفها هنا إنكارا للواقع المرير

محاولة بسيطة للتصحيح.. تقبلها مننا يارب

-------------------------
لا تقولين المجتمع كبير ومتنوع وصعب أصلحه
المجتمع هو
أنا وأختي وأنتي واختك وهذي العضوة واختها وبنات خالاتنا وبنات عماتنا


والسلام عليكم



أترياكم

-------

مخرج


أصـدر المولـى بــيـانه . . . أيــن أنـتِي يـافــلانــه

إفــتحـوا ديـوانـها ولــ . . . تــنـظروا في كـل خـانه

موقــف صعـب رهـيب ... أسـأل الـله الإعانــــة

حيـــن أدنو من إلهي ... دون ستـر أو بطانـــة

يحاكيني جهارا ... كيف أديـت الأمـــــــــانة

حــيــنهــا تشـعر مـثـلي . . . أنهـا حقـا جَبَـانـه

كـم قـضـيت الـعـمـر هــدراً . . . بيـن غـيٍّ ومَـجَـانــه

يـا لـقـلـب الـسـوء أرخى . . . لــلـهـوى الــعَاتِـي عَـنَانَه

فــي متـاهـات الـمـعاصي . . . يــخـسر الــقلبُ رهــانَه


مـن يـجـيـب الله عنـي؟! . . . مــن سـيـعـطـيـنـي لــسـانـه


لـحـظـة مــن هـولـها لا . . . يـملــك الــعـقل اتــزانــه

ضــاع مفـتـاح الــنــهـى . . . واخــتَّـل مـيــزان الــرزانه

====================

لا بد من تحريك الشفتين في الصلاة

السؤال:
هل يلزم تحريك الشفتين في الصلاة والأذكار والقراءة؟ أم يكفي أن يقرأ بدون تحريك الشفتين؟

الجواب:
[ لا بد من تحريك الشفتين في قراءة القرآن في الصلاة، وكذلك في قراءة الأذكار الواجبة كالتكبير والتسبيح والتحميد والتشهد؛ لأنه لا يسمى قولاً إلا ما كان منطوقاً به،

 ولا نطق إلا بتحريك الشفتين واللسان، ولهذا كان الصحابة رضي الله عنهم يعلمون قراءة النبي صلى الله عليه وسلم باضطراب لحيته -أي:

بتحركها- ولكن اختلف العلماء هل يجب أن يُسمع نفسه؟ أم يكتفي بنطق الحروف؟ فمنهم من قال: لا بد أن يسمع نفسه، أي: لا بد أن يكون له صوت يسمعه هو بنفسه،

ومنهم من قال: يكفي إذا أظهر الحروف، وهذا هو الصحيح ].
الشيخ العلامة ابن عثيمين . " لقاء الباب المفتوح " شريط (20)وجه أ

السؤال :
هل عدم تحريك اللسان والشفتين في الصلاة تبطل الصلاة؟
الجواب :
[ لابد من القراءة، قراءة الفاتحة، والقراءة لابد من تحريك اللسان حتى يسمع قراءته حتى يكون منه قراءة، لابد من القراءة بالحروف التي يسمعها ].
الشيخ العلامة ابن باز – رحمه الله تعالى – " نور على الدرب " .

 

الفرق بين عقارب الزمن وزمن العقارب

الفرق بين عقارب الزمن وزمن العقارب

عـــقـــارب الــســاعــة

نخطئ كثيرا; حين نظن ان عقارب الساعة لا تلسع ولا تقتل ، انها تمارس فينا أبشع أنواع القتل.. لأنها تلسع وقتنا وتقتل عمرنا ونحن لا ندرك وهذا النوع من العقارب لا ندرك خطورته الا حين نلمح زحف الأيام علينا عندها ندرك أن عقارب الساعة في زحفها بين الثواني والدقائق قد اختلست أجمل العمر.. ترى هل فكر أحدكم في هذا اليوم

عــقــارب الــدراســة

على الرغم من صغر هذا النوع من العقارب الا أنها تؤذي بعمق ، لأنها تظهر في حياتنا في مرحلة مهمة من مراحل العمر ، وتلتصق بنا في وقت لا نجيد فيه استخدام العقل كثيرا; وتبث سمومها في براءتنا وقد ترافقنا إلى بقية مراحلنا ..... وربما تحولنا سمومها المبكرة فينا مع الوقت إلى .. عقارب

عـــقـــارب الــصـــداقـــة

قد نحتاج الى الكثير من الوقت لإكتشاف سموم هذا النوع من العقارب ، لأن ثقتك العمياء بعقارب الصداقة تجعلك تستبعد أن يكونوا مصدر السموم الحقيقي في حياتك ، وقد تستهلك الكثير من العمر وأنت تبحث في جدار خصوصياتك عن الثغرة التي تتسرب منها أسرارك الى الآخرين ، وتستهلك الكثير من الغباء وأنت تشكو لهم همومك ويجيدون الإنصات لك وفي أعماقهم ضحكة سخرية لا تسمعها أنت ، لأن بينك وبينها جدار من الثقة ، وقد يؤدي إكتشافك وجود هذا النوع من العقارب في حياتك الى فقدان الثقة بالآخرين

عــقــارب الــعــمــل

هؤلاء قد لا يكونون أخطر أنواع العقارب في عمرك لكنهم من أقذر أنواعها لأنهم يبثون سمومهم في رزقك ومصدر عيشك ، وهذا النوع لا يظهر ولا يتكاثر الا بموت الضمير ويجيد بث سمومه بطرق ملتويه وفي سريه تامة ، وقد يبيح لنفسه لسكب سمومه فقط لأنك تتقدمه وتقف أمامه وقد لا تستطيع التخلص منه مهما حاولت لأن وجوده في محيط عملك أمر لا تستطيع تغييره ، وقد لا تسعفك ظروفك الى الرحيل من المكان تجنبا لسمومه فتضطر وباسم الحاجة الى احتمال هذا النوع البغيض من العقارب الذي يتكاثر بشكل مخيف ولا يخلو منه مجال

عــقــارب الــحــب

هذا النوع من العقارب من أشد أنواع العقارب خطورة عليك.. لشدة التصاقه بك وبحلمك ولسعته ان لم تقتلك دمرتك.. وهذا النوع من العقارب يتخصص في الحلم والإحساس ، فان كنت كتلة من الإحساس فان لسعته تنهيك تماما ، وقد تتجاهل سريان سمومه فيك وتحتمل الآلام و تزداد التصاقا به لأنك وصلت إلى مرحلة متقدمه من إدمــانه

عــقــارب الــخــريــف

هؤلاء تلتقيهم في خريف عمرك في وقت تكون فيه في أمسّ الحاجة الى واحة دافئة تحتويك و تبث الأمن في نفسك المرهقة المنهمكة من فصول الحياة، وتطمن إحساسك المخيف باستقبال خريف العمر فيقتحمون هدوءك ، لا يحترمون خريفك يمنحونك بعض التوهم المقيت ، يبثون سمومهم في استقرارك النفسي ، ويستغلون حاجتك إلى إعادة الزمن الجميل من جديد.... ويمارسون أدوارهم في الخفاء ويفاجئونك بلسعتهم السامة كعقارب الرمل

عـــقــارب الأقــارب

كان يقال في الماضي "الأقارب عقارب"; وكان يقال أيضا (((أقرب لك عقرب لك))) وقله قليله تلك التي لم تتذوق لسعة هذا النوع من العقارب، وسموم هذا النوع هي الأكثر مرارة ولسعتها هي الأكثر ألما ، لأنها جاءت من الأقرب الذي كان يجب أن يكون الأقرب لنا في كل شيء

وأخــيـــرا

ياترى بعد أن كنا نعيش بعقارب الزمن هل أصبحنا نعيش في زمـن العـقارب؟

ليش ما بتمسك ايدي‎ ‎

---

أنت ليه ما بتمسك إيدي وإحنا ماشيين بالشارع؟

جواب الصديق: افرضي حد من قرايبك شافنا؟ او حد من أصحاب أخوكي في الكلية؟ ... إن شاء الله ياحبيبتي بكره نتخطب.. وامسك إيديكي قدام الدنيا كلها

جواب الخطيب: مابدي حدا يقول.. انخطبوا وفلتوا بالشوارع... وبعدين بصراحة أنا باستحرم... إن شاء الله بكره بنتجوز بالحلال وامسك إيدك وإنتي مرتي


جواب المتزوج حديثا: يا حبيبتي إحنا مش مراهقين لنمسك إيد بعضنا بالشارع.. إحنا  مزوجين ومحترمين وعنا بيت نعمل فيه مثل مابدنا


جواب المتزوج وعنده أطفال: يعني امسك إيدك... والا امسك إيد الاولاد.. والا أطالع مفتاح العربية.. والاأشيل الأكياس؟


جواب المتزوج منذ 25 سنة: شو هالحكي!! امسك إيدك.. يعني بدك جوز بنتك يقول علينا كبرنا وخرفنا!؟

يعنى مادرى متى تحن وتمسك يدى يمكن لمن تدفنى

خخخخخخخخخخخخخخخخخخخ

أمن يجيب المضطر إذا دعاه

هو المجيب يقول من يدعو.. أجيبه انا المجيب لكل من ناداني
وهو المجيب لدعوة المضطر .. اذ يدعوه في سر وفي إعلانكم من بلاء ردّ بسبب الدعاء وكم من مصيبة كشفها الله بالدعاء و كم من ذنب و معصية غفرها الله بالدعاء , وكم من رحمة و نعمة استجلبت بسبب الدعاء


فضل الدعــاء كفل الله لمن تعرض اليه ان يعطية سؤله وزيادة.قال تعالى(وإذا سألك عبادي عني فإني قريب اجيب دعوة الداع إذا دعان فليستجيبوا لي وليتؤمنوا بي لعلهم يرشدون) وعد بسرعة إجابة دعوة من رفع يديه إلى السماء.. فوعده حق وقولة صدق قال صلى الله علية وسلم :إن ربكم تبارك وتعالى حيي كريم يستحيي من عبده إذا رفع يديه إليه أن يردهما صفرأُ خائبتين . وقال علية الصلاة والسلام(مامن مسلم يدعوا الله بدعوة ليس فيها إثم ولا قطيعة رحم إلا أعطاه الله بها احدى ثلاث: اما ان تعجل له دعوته ,واما ان يدخرها الله له في الاخره,واما ان يصرف عنه من السوء مثلها) الدعاء من اقوى الاسباب في دفع المكروه,وحصول المطلوب وللدعاء مع البلاء ثلاث مقامات قال الرسول(لايرد القضاء الا الدعاء) 1-ان يكون الدعاء اقوى من البلاء فيدفعه 2-ان يكون أضعف من البلاء فيقوى علية البلاء فيصاب بة العبد,ولكن قد يخففه وإن كان ضعيفاً 3-ان يتقاوما ويمنع كل منهما صاحبه

شروط الدعاء 1- الاخلاص اي ان تصرف العمل كله لله ويكون دعائك خالصاً لله ..وأن لايتعلق قلبك بغير الله 2-المتابعة..3- الثقة بالله واليقين بالاجابة..عن النبي صلى الله عليه وسلم قال(ادعوا الله وانتم موقنون بالإجابة واعلموا أن الله لايستجيب دعاء من قلب غافل لاه) 4- حضور القلب وهو أعظم شرط لقبول الدعاء 5- الجزم والعزم والجد في الدعا قال صلى الله علية وسلم (اذا دعا احدكم فليعزم في الدعاء ولا يقل اللهم إن ششئت فأعطني فغن الله لامستكره له)

آداب الدعاء- الوضوء..وهو من مستحبات الدعاء وليس شرطاً من شروط الدعاء - استقبال القبلة..يستحب للداعي ان يستقبل القلبة - التوبه..التوبة من الستحبات التي تقدم بين يدي الدعاء وإلا كيف يتقبل الله من عبد على المعاصي مصر!! -الاستفتاح بذكر الله والثناء عليه قبل الدعاء..ويبداء بحمد الله والصلاة على النبي ويختم بذلك قال البغوي"ينبغي لمن يريد الدعاء أن يبداء بحمد الله ثم ليصلي على النبي صلى الله عليه وسلم ثم يسأل حاجته" -الدعاء للنفس أولا قال النووي :قال اصحابنا:فيه استحباب ابتداء الإنسان بنفسه في الدعاء وشبهه من أمور الاخره ,أما حظوظ الدنيا فالأدب فيها الإثار وتقديم الغير على نفسه -الدعاء بالماثور..وهذا من أنفع الىداب والمستحاب في الدعاء فالأدعية الواردة في القران هي أعظم ادعية عرفتها الأرض نزلت على أعظم رسول عرفته البشرية -الإلحاح في الدعاء..وقد أمرنا ربنا بالإلحاح في الدعاء واخبر ان من يلح ويرجُ يستجاب له -الدعاء في الرخاء ..قال صلى الله عليه وسلم (من سره أن يستجيب الله له عند الشدائد والكرب فليكثر الدعاء في الرخاء) -التأمين..يعني قول الداعي (آمين) عن النبي صلى الله عليه وسلم قال (غذا أمن القارئ فامنوا فغن الملائكة تؤمن فمن وافق تأمينه تأمين الملائكة غفر له ماتقدم من ذنبه)



اسباب رد الدعاء وعدم الإجابة
1-اقتراف الذنوب والمعاصي 2-اكل الحرام قال رسول الله صلى عليه وسلم : ( إن الله تعالى طيبٌ لا يقبل إلا طيباَّ ، وإن الله أمر المؤمنين بما أمر به المرسلين ، فقال تعالى : { يا ايها الرسل كلوا من الطيبات واعملوا صالحا } ، وقال تعالى : { يا أيها الذين آمنوا كلوا من طيبات ما رزقناكم } ، ثم ذكر الرجل يطيل السفر أشعث أغبر يمد يديه إلى السماء : يا رب يا رب ، ومطعمه حرام ، ومشربه حرام ، وملبسه حرام ، وغُذِّيَ بالحرام ، فأنَّى يُستجاب له ) 3-غفلة القلب ..من اسباب رد الدعاء..غفلة القلب عن ملاحظة الرب حال الدعاء وهو أن يكون القلب ساهياً غافلاً لاهياً قال الرازي:أجمعي الامة على ان الدعاء اللساني الخالي عن الطلب النفساني قليل النفع عديم الاثر 4-الدعاء بالإثم أو قطيعة الرحم..لايزال يستجاب للعبد مالم يدع بغثم أو قطيعة رحم مالم يستعجل 5-ترك الأمر بالمعروف والنهي عن المنكر..عن النبي صلى الله عليه وسلم قال (والذي نفسي بيده,لتأمرن بالمعروف ولتنهون عن المنكر,أو ليوشكن الله أن يبعث عليكم عقاباً منه,ثم تدعونه فلا يستجيب لكم)


مكروهات الدعاء
-الجهر الكثير والصياح -ان يدعوا الإنسان بمحال كأن تكون له منزلة نبي -ان يدعوا طالباً معصية -أن يدعوا بما ليس في الكتاب والسنه ...فيتخير الفاظاً مفقره وكلمات مسجعة وجدوها في كراريس لا أصل لها 1- رفع الصوت..قال النبي صلى الله عليه وسلم (يا أيها النس,اربعوا على أنفسكم فإنكم لاتدعون أصماً ولا غائباً,إنه معكم ,إنه سميع قريب تبارك اسمه وتعالى جده) 2-الاعتداء فيه ..قال تعالى(ادعوا ربكم تضرعاً وخفية إنه لايحب المعتدين) والاعتداء في الدعاء على وجوه منه


اوقات الإجابةولايسأل في ماء زمزم أمور خارجة مثلاً تسأل في شرب زمزم انزل المطر؟؟ولكن السؤال عند شرب زمزم تكون في أمور لها تعلق بالشارب ..مثل رقة القلب وقوة الذاكرة



1- ليلة القدر ...قال صلى الله علية وسلم (من قام ليلة القدر ايماناً واحتساباً غفر له ماتقدم من ذنبه) 2-دبر الصلوات المكتوبه..عن ابي امامه قال..قيل لرسول الله اي الدعاء اسمع؟قال(جوف الليل الآخر ودبر الصلات الكتوبات) 3-جوف الليل الاخر .. عن النبي قال(تفتح ابواب السماء نصف الليل فينادي مناد:هل من داع فيستجاب له ,هل من سائل فيعطى ,هل من مكروب فيفرج عنه ,فلا يبقى مسلم يدعو بدعوة الا استجاب الله تعالى له ,الا زانية تسعى بفرجها أوعشاراً) 4-بين الاذان والاقامة ..قا صلى الله عليه وسلم(الدعاء لايرد بين الآذان والإقامة فادعوا) 5-عند نزول الغيث وتحت المطر 6- عند شرب ماء زمزم مع النية الصالحة سئل الحافظ بن حجر :كيف بلغت في علم الرجال مابلغت ؟قال:كنت في مكة فأخذت ماء زمزم واستقبلت القبلة.وقلت :"اللهم إن رسولك صلى الله عليه وسلم حدث بأن ماء زمزم لما شرب له.اللهم إني أسألك علماُ في الرجال كعلم الذهبي"ففاق الحافظ بن حجر الذهبي في ذلك 7-في السجود..اقرب مايكون العبد من ربه وهو ساجد فأكثروا الدعاء 8- عند الاستيقاظ من النوم ليلاً والدعاء بالمأثور 9-عند دعاء الناس بعد وفاة الميت..دخل صلى الله عليه وسلم ..على ابي سلمة وقد شق بصره فأغمضه ثم قال:(ان الروح إذا قبض تبعه البصر) فضج ناس من اهله فقال:(لاتدعوا على انفسكم الا بخير ,فإن الملائكة يؤمنون على ماتقولون) 10-عند الدعاء يوم عرفه في عرفه للحجاج 11-في شهر رمضان 12- عند اجتماع المسلمين في مجالس الذكر 13-عند صياح الديكه 14-دعوة المسلم لأخية المسلم في ظهر الغيب 15- دعو المظلوم 16-دعوة الوالد على ولدة 17-دعوة المسافر--18دعوة الصائم..ثلاثة لاترد دعوتهم ...وذكر منهم الصائم حتى يفطر 19-دعوة البار بواليده..20دعوة الحاج..دعوة المعتمر..دعوة الغازي في سبيل الله

MMS

---

SMS

الأنسان يعجب ممن بُلي بالضر كيف يذهل عن أن يقول:{أني مسني الضر وأنت ارحم الراحمين}
والله تعالى يقول{فاستجبنا له فكشفنا مابه من ضر}
إذن دلنا القرآن أن من اصابه ضر ببدنه أو ولده أو ماله أن يدعو بدعوة أيوب عليه السلام



يعجب الإنسان ممن لم يكتب الله له له الذرية أن يذهل أن يدعو بدعوة زكريا عليه السلام{رب لا تذرني فرداً وأنت خير الوارثين}
فقال تعالى {فاستجبنا له ووهبنا له يحيى واصلحنا له زوجه}



يعجب الإنسان ممن بلي بالهم كيف يذهل عن ان يقول{لا إله إلا أنت سبحانك إني كنت من الظالمين}
والله تعالى يقول{فاستجبنا له ونجيناه من الغم وكذلك ننجي المؤمنين}
من ابتلي بالغم والهم فليكثر من دعوة ذي النون.



من خاف شيئاً كيف ينسى أن يقول{حسبنا الله ونعم الوكيل}
والله تعالى يقول{فانقلبوا بنعمة من الله وفضل لم يمسسهم سوء واتبعوا رضوان الله}



يعجب الإنسان ممن أحيط يأمر سوء كيف يذهل عن أن يقول{وافوض أمري الى الله إن الله بصير بالعباد}
والله تعالى يقول{فوقاه الله سيئات ما مكروا ...}



قيل لانس:ادع الله لنا,فقال:اللهم آتنا في الدنيا حسنة,وفي الآخرة حسنة وقنا عذاب النار.
قالوا:زدنا.قال :ماتريدون؟! قد سألت خيري الدنيا والآخرة

---