كــــــلام واقعي جداً‎

للدكتور صعب بن محمد الزعيمر الشراري { عكاظ }

إحنا السعوديين أكثر شعب في العالم يمتلك بترول . وحنا إللي اتبرعنا لأغلب دول العالم . وإحنا إللي اكتفينا من القمح وصدرناه للعالم . واحنا اللي أخذنا كأس أسيا ثلاث مرات . ووصلنا لكأس العالم ثلاث مرات . واحنا اللي هزمنا العراق في حرب الخليج . واحنا اللي فجرنا مركز التجارة والبنتاجون .

احنا السعوديين أول من طلع الفضاء من العرب . واحنا أكثر شعب في المنطقة واحنا أكثر شعب عنده ستالايت . واحنا اللي نمتلك قناة mbc وقناة art ... واحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

احنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . واحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

احنا السعوديين مافي أطيب وأكرم مننا . احنا اللي نرمي نصف أكلنا في الزبالة من زود الكرم . واحنا من تفوق على غيرنا في كبر الكروش والكسل .

احنا من أكثر شعوب العالم إستهلاكا للدخان والشيشة . واحنا اللي عندنا مدينة جدة رابع أكبر مدينة تلوث في العالم . واحنا اللي قضينا على الحياة البرية في السعودية من كثرالصيد والقنص. ثم ذهبنا على مصر والسودان نقضي على الباقي .

احنا أكثر من يطارد بنات العالم في الخارج . واحنا أكثر ناس في العالم ننفق على السياحة . واحنا اللي تبكي وتتحسف علينا بانكوك وبتايا من بعدها عنا .

احنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

احنا اللي نحافظ على تقاليدنا حتى لو كانت غلط . واحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

احنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!

احنا اللي الحرمة عندنا ماتكشف حجابها لنا وتكشفه للأجنبي . واحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي!!!!!!!!! (مافي تفكير) . رغم إن بنات البدو يسوقوا السيارة في الصحراء من زمن . من دون خوف ولا وجل . ومن دون إعتراض الأهل .

احنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها اتجمعنا بسياراتنا حولها مثل الغنم . نبغا منها كلمة حتى لو تتفل في وجهنا أو ترمينا بحجر.

احنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) قمة التخلف يالطيييف . وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..

احنا السعوديين أحسن المسلمين والعرب.( هيّاااا بس ) كتّروووووا منها .!!

ملاحظة : كل المعلومات الواردة في المقال صحيحه وعلى حسب الإحصائيات